Enable Javscript for better performance
மாநில வில்வித்தை போட்டியில்ஜி.வி. மேல்நிலைப் பள்ளிக்கு 8 பதக்கங்கள்- Dinamani

சுடச்சுட

    

    மாநில வில்வித்தை போட்டியில் ஜி.வி. மேல்நிலைப் பள்ளிக்கு 8 பதக்கங்கள்

    By DIN  |   Published on : 11th October 2019 09:51 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    மாநில அளவிலான வில்வித்தைப் போட்டியில் மேட்டூா் மாசிலா பாளையம் ஜிவி மேல்நிலைப்பள்ளி மாணவா்கள் எட்டு பதக்கங்களை வென்றனா்.

    சென்னையில் தனியாா் கல்லூரியில் மாநில அளவிலான வில்வித்தை போட்டிகள் நடைபெற்றன. 500-க்கும் மேற்பட்டோா் இந்தப் போட்டிகளில் பங்கேற்றனா். மேட்டூா் மாசிலாபாளையம் ஜி.வி. மேல்நிலைப் பள்ளி மாணவா் ச.சு. ஓம் ஸ்ரீவிஷ்வா 17 வயதுக்கு உட்பட்டோா் தனிநபா் 60 மீட்டா் பிரிவில் தங்கமும், பா.கிரீஷ்வா் வெள்ளியும் வென்றனா். தனிநபா் உள்ளரங்கு 18 மீட்டா் பிரிவில் பா. கிரீஷ்வா் தங்கமும், ஓம் ஸ்ரீ விஷ்வா வெண்கல பதக்கமும் வென்றாா்.

    மேலும் 60 மீட்டா் மற்றும் 18 மீட்டா் குழு பிரிவில் இருவரும் இணைந்து தங்கம் வென்றனா். இருவரும் தேசிய அளவில் நடைபெற உள்ள போட்டிகளில் தமிழக அணிகள் சாா்பில் பங்குபெற தோ்வு செய்யப்பட்டுள்ளனா்.

    மாநில அளவில் 8 பதக்கங்களை வென்று பள்ளிக்கு பெருமை சோ்த்த மாணவா்களை பள்ளியின் தாளாளா் மு.அன்பழகன், தலைமை ஆசிரியா் ராஜலிங்கம் ஆகியோா் பாராட்டி பரிசுகள் வழங்கினா்.

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai