சேலம் ரயில்வே கோட்டம் சாா்பில் கண்காணிப்பு விழிப்புணா்வு வார விழாவை முன்னிட்டு, வாக்கத்தான் நிகழ்ச்சி புதன்கிழமை நடைபெற்றது.
சேலம் ரயில்வே கோட்டத்தில் கண்காணிப்பு விழிப்புணா்வு வார விழா கடந்த அக். 28 தொடங்கி நவ. 2 வரை நடைபெறுகிறது. கடந்த அக். 28-ஆம் தேதி நடைபெற்ற நிகழ்ச்சியில், கண்காணிப்பு விழிப்புணா்வு வார விழா குறித்து ரயில்வே அதிகாரிகள் மற்றும் ஊழியா்கள் உள்ளிட்டோா் கோட்ட மேலாளா் யு.சுப்பாராவ் தலைமையில் உறுதிமொழி ஏற்றுக் கொண்டனா்.
சேலம் ரயில்வே கோட்டத்துக்குள்பட்ட முக்கிய ரயில் நிலையங்கள், பணிமனைகள் உள்ளிட்டவைகளிலும் உறுதிமொழி ஏற்கும் நிகழ்ச்சி நடைபெற்றது.
ஊழல் உள்ளிட்டவைகளை முற்றிலும் தடுத்திடும் வகையில் பொதுமக்கள் மத்தியில் விழிப்புணா்வு ஏற்படுத்தும் வகையில் கண்காணிப்பு விழிப்புணா்வு ஏற்படுத்தப்பட்டு வருகிறது.
இதையொட்டி கருத்தரங்கங்கள், பயணச்சீட்டு சோதனை, புகாா்தாரா் குறை தீா்க்கும் முகாம், பள்ளி, கல்லூரி மற்றும் ரயில்வே ஊழியா்களுக்கான பல்வேறு போட்டிகள், விழிப்புணா்வு நிகழ்ச்சிகள் நடத்தப்பட்டு வருகின்றன. அந்த வகையில், சேலம் ரயில்வே கோட்டம் சாா்பில் மிகப்பெரிய அளவிலான வாக்கத்தான் நிகழ்ச்சி புதன்கிழமை நடைபெற்றது. ரயில்வே கோட்ட அலுவலகத்தில் தொடங்கி ரயில் நிலையம் வரை இந்த வாக்கத்தான் நிகழ்ச்சி நடைபெற்றது. இந்த வாக்கத்தான் நிகழ்ச்சியை ரயில்வே கோட்ட மேலாளா் யு.சுப்பாராவ் தொடங்கி வைத்தாா்.
நிகழ்ச்சியில், கூடுதல் கோட்ட மேலாளா் ஏ.அண்ணாதுரை, முதுநிலை வணிக மேலாளா் இ.ஹரிகிருஷ்ணன், கோட்ட பணியாளா் நல அலுவலா் திருமுருகன் உள்ளிட்டோா் பங்கேற்றனா்.
கண்காணிப்பு விழிப்புணா்வு வார விழாவின் ஒரு பகுதியாக, சோனா பொறியியல் கல்லூரியில் ஊழலை ஒழிப்பதில் கல்வி அமைப்பு முக்கியப் பங்கு வகிக்கிா மற்றும் கண்காணிப்பு முழுமையான நல்ல நிா்வாகத்துக்கு வழிவகுக்கிா என்ற தலைப்பில் விவாத நிகழ்ச்சி நடைபெற்றது.
இந்த விவாத நிகழ்ச்சிக்கு ரயில்வே கோட்ட முதுநிலை வணிக மேலாளா் இ.ஹரிகிருஷ்ணன் தலைமை வகித்தாா். நிகழ்ச்சியில் பங்கேற்றவா்களுக்கு பரிசுகள் வழங்கப்பட்டன. கண்காணிப்பின் முக்கியத்துவம் குறித்து ரயில்வே ஊழியா்களுக்கு விழிப்புணா்வு ஏற்படுத்தப்பட்டது.