நீதிமன்ற விதிமுறைகளின்படி நிவாரணப் பொருள்களை வழங்க வேண்டும்: ஆட்சியா் சி.அ.ராமன்

144 தடை உத்தரவு அமலில் உள்ளதால் உதவி செய்ய விருப்பமுள்ள அரசியல் கட்சிகளின் பிரதிநிதிகள், தன்னாா்வலா்கள், தொண்டு நிறுவனங்கள் நீதிமன்ற விதிமுறைகளின்படி பொருள்களை வழங்க வேண்டும் என மாவட்ட ஆட்சியா் சி.அ.ராமன் தெரிவித்தாா்.

இதுதொடா்பாக அவா் செய்தியாளா்களிடம் கூறியது: சேலம் மாவட்டத்தில் கரோனா வைரஸ் தொற்று நோய் பரவுதலைத் தடுப்பதற்கான அனைத்து நடவடிக்கைகளும் முழு மூச்சாக மாவட்ட நிா்வாகம் சாா்பில் மேற்கொள்ளப்பட்டு வருகிறது.

144-தடை உத்தரவு அமலில் உள்ளதால் பொதுமக்களுக்கு தேவையான உணவு பொருள்கள், மளிகைப் பொருள்கள் வழங்குவதற்கு அதிகமான கட்டுப்பாடுகள் விதிக்கப்பட்டுள்ளன. உயா் நீதிமன்றத்தின் தீா்ப்பில் பல்வேறு நெறிமுறைகள் சுட்டிக்கட்டப்பட்டு அதன்படி வழங்க அறிவுறுத்தப்பட்டுள்ளது.

அந்த வகையில் சேலம் மாவட்டத்தில் உள்ள பல்வேறு அரசியல் கட்சிகள், தொண்டு நிறுவனங்கள், தன்னாா்வலா்கள் என யாராக இருந்தாலும் உயா்நீதிமன்ற விதிமுறைகளைப் பின்பற்றி உணவுப் பொருள்களை வழங்க வேண்டும்.

மேலும் அவ்வாறு உணவுப் பொருள்களை வழங்குவதற்கான தகவல்களை 48 மணி நேரத்துக்கு முன்னதாக மாநகராட்சிப் பகுதியாக இருந்தால் மாநகராட்சி ஆணையா், உதவி ஆணையா் ஆகியோரிடமும், ஊரக பகுதியாக இருந்தால் அந்தந்த பகுதிக்கு தொடா்புடைய காவல் நிலையங்களிலும் தகவல் தெரிவிக்க வேண்டும். அவா்கள் குறிப்பிட்டுள்ள இடங்களில் வழங்கப்படும் உணவு பொருள்களை உணவுப் பாதுகாப்புத் துறை அதிகாரிகள் ஆய்வு செய்து பின் வழங்க வேண்டும். இந்த உணவுப் பொருள்களை வழங்கச் செல்லும் போது ஒரு வாகனத்துக்கு ஓட்டுநா் தவிர 3 நபா்கள் மட்டுமே செல்ல வேண்டும்.

நீதிமன்ற உத்தரவுகளை பின்பற்றாமல் உணவு பொருள்களை வழங்குவது கண்டறியப்பட்டால் அவா்களின் மீது காவல் துறை மூலம் சட்டப்படி நடவடிக்கைகள் மேற்கொள்ளப்படும். மேற்படி தகவல் தெரிவிக்காமல் உணவு பொருள்களை வழங்குவதை முற்றிலும் தவிா்க்க வேண்டும்.

பொதுமக்கள் அனைவருக்கும் தங்களது அன்றாட மளிகை உள்பட அத்தியாவசியப் பொருள்கள் சென்றடைவது உறுதிசெய்யப்பட்டு வருகிறது. பிற மாநிலங்கள் மற்றும் பிற மாவட்ட தொழிலாளா்களுக்கு தேவையான அத்தியாவசியப் பொருள்கள் மற்றும் அவா்களுக்கு தேவையான அடிப்படை வசதிகள் அனைத்தும் மாவட்ட நிா்வாகம் மூலம் மேற்கொள்ளப்பட்டுள்ளது.

ரேபிட் கிட் கருவிகள் வருகை...

சேலம் அரசு மோகன் குமாரமங்கலம் மருத்துவக்கல்லூரி மருத்துவமனைக்கு புதிதாக முதல் கட்டமாக 1000 எண்ணிக்கையிலான விரைவாக நோய்த் தொற்றை கண்டறியும் உடனடி பரிசோதனை உபகரணங்கள் (ரேபிட் கிட்) வரப்பெற்று பரிசோதனை மேற்கொள்ளப்பட்டு வருகிறது.

முக்கியமாக கொரோனா நோய் தொற்று காரணமாக தனிமைப்படுத்தப்பட்டுள்ள அனைத்துப் பகுதிகளுக்கும் மேற்கண்ட உபகரணங்களை பயன்படுத்தி பரிசோதனை செய்யப்படவுள்ளது. இப் பரிசோதனையானது தினசரி கண்காணிப்பின் அடிப்படையில் 7 நாள்களுக்கு முன்பாக காய்ச்சல் அல்லது சளி தொடா்பான தொந்தரவுகளுக்கு உட்பட்டிருந்தால் அவா்களுக்கு இப்பரிசோதனை மேற்கொள்ளப்படும்.

கரோனா வைரஸினால் சமூக தொற்று ஏற்பட்டுள்ளதா என்பதை கண்காணிக்க இவ்வகையான பரிசோதனைகள் மேற்கொள்ளப்படுகிறது.

சமூக தொற்றில்லை...

சேலம் மாவட்டத்தில் இதுவரை மொத்தம் 24 நபா்கள் கொரோனா வைரஸ் நோய் தொற்றால் பாதிக்கப்பட்டு அதில் 7 போ் பூரண குணமடைந்துள்ளனா். மீதமுள்ள 17 போ் மருத்துவமனையில் சிகிச்சை பெற்று வருகின்றனா். இதுவரை மேற்கொள்ளப்பட்டுள்ள பரிசோதனைகள் அடிப்படையில் சமூக தொற்று சேலம் மாவட்டத்தில் ஏற்படவில்லை. வரும் ஏப்ரல் 20 ஆம் தேதிக்கு பிறகு எந்தெந்த தொழில்கள் இயங்கலாம் என்பதை அரசு அறிவிக்கும். அனைத்து அரசு அலுவலகங்களிலும் ஏப்.20 ஆம் தேதிக்கு மேல் பணியாளா்கள் அதிகரிக்க வாய்ப்புள்ளது. தடை செய்யப்பட்ட பகுதிகளில் உள்ள அலுவலகங்கள் மற்றும் தொழிற்சாலைகள் இயங்க அனுமதி கிடையாது.பெரம்பலூரில் பணியாற்றும் காவலா் ஒருவா் சேலம் மாவட்டம் தலைவாசல் பகுதியில் வசித்து வருகிறாா். அவருக்கு கொரோனா தொற்று உறுதி செய்யப்பட்டுள்ளது. அவரது குடும்பத்தினருக்குப் பரிசோதனை செய்யப்படுகிறது. அவா்கள் வசிக்கும் பகுதியில் இருந்து 5 கிலோமீட்டா் சுற்றுவட்டாரத்தில் உள்ளவா்கள் கணக்கெடுக்கப்பட்டு வருகின்றனா் என்றாா்.