சேலம் மாவட்டம், ஜலகண்டபுரம் பேரூராட்சியில் கறிவிருந்தில் பங்கேற்ற 46 பேருக்கு கரோனா தொற்று இருப்பது வியாழக்கிழமை உறுதியானது. இதையடுத்து, பேரூராட்சி முழுவதும் ஒரு வார காலத்துக்கு தளா்வின்றி முழு ஊடரங்கு அமல்படுத்தப்பட்டுள்ளது.
மேட்டூா் அருகே ஜலகண்டபுரம் பேரூராட்சி பகுதியைச் சோ்ந்தவா் மாணிக்கம் (65), நெசவுத்தொழிலாளி. ஆடி 28 திருவிழாவையொட்டி கடந்த 12ஆம் தேதி தனது உறவினா்களுக்கும் அக்கம்பக்கத்தில் வசிப்பவா்களுக்கும் கறிவிருந்து அளித்துள்ளாா். இந்த விருந்தில் ஏராளமானோா் பங்கேற்ற நிலையில் விருந்து வைத்த கடந்த 16-ஆம் தேதி திடீா் உடல் நலக்குறைவால் மாணிக்கம் உயிரிழந்தாா்.
அடுத்த இரு நாள்களில் அவரது தங்கை சுசீலாவும் (60), பக்கத்து வீட்டைச் சோ்ந்த காா்த்திகாவும் (22) உயிரிழந்தனா்.
தகவல் அறிந்த ஜலகண்டபுரம் பேரூராட்சி நிா்வாகமும், சுகாதாரத் துறையும் தடுப்பு நடவடிக்கைகளை தீவிரப்படுத்தியது.
கறிவிருந்து நடைபெற்ற அச்சுகட்டி தெருவில் புதன்கிழமை 152 பேருக்கும், வியாழக்கிழமை 165 பேருக்கும் கரோனா பரிசோதனை செய்யப்பட்டது.
புதன்கிழமை பரிசோதனை செய்யப்பட்டதில் 22 ஆண்கள் 24 பெண்கள் என மொத்தம் 46 பேருக்கும் தொற்று உறுதி செய்யப்பட்டது. இதையடுத்து விருந்து நடந்த ஜலகண்டபுரம் பேரூராட்சி 5-ஆவது வாா்டு முழுவதும் தடை செய்யப்பட்ட பகுதியாக அறிவிக்கப்பட்டு தடுப்பு அமைக்கப்பட்டது.
அப்பகுதி முழுவதும் பேரூராட்சி நிா்வாகம் சாா்பில் கிருமிநாசினி தெளிக்கப்பட்டது. கரோனா தொற்று மேலும் அதிகரிக்கலாம் என்பதால் வெள்ளிக்கிழமை காலை முதல் ஒருவார காலத்துக்கு ஜலகண்டபுரம் பேரூராட்சி முழுவதும் தளா்வில்லா ஊரடங்கை செயல் அலுவலா் ராஜவிஜயகணேசன் அறிவித்துள்ளாா்.