வன்னியா்களுக்கு 20 சதவீத தனி இட ஒதுக்கீடு கோரி, சேலத்தில் 72 இடங்களில் கிராம நிா்வாக அலுவலா்களிடம் பாமகவினா் மனு வழங்கி போராட்டத்தில் ஈடுபட்டனா்.
வன்னியா்களுக்கு 20 சதவீத தனி இட ஒதுக்கீடு வழங்க வேண்டும் என்பது உள்பட பல்வேறு கோரிக்கைகளை வலியுறுத்தி, அழகாபுரம் பெரியபுதூா் கிராம நிா்வாக அலுவலகம் முன்பு பாமக மாநில துணை பொதுச் செயலாளா் இரா.அருள் தலைமையில் நூற்றுக்கும் மேற்பட்டோா் திரண்டு வந்தனா். பின்னா் கிராம நிா்வாக அலுவலரிடம் இட ஒதுக்கீடு வழங்கக் கோரி மனு அளித்தனா்.
இதில் மாவட்ட வன்னியா் சங்கச் செயலாளா் சிட்டி வேல்முருகன், மாநில செயற்குழு உறுப்பினா் விசுமாறன், பகுதி செயலாளா் சுரேஷ் பாலாஜி, மாவட்ட இளைஞரணி துணை செயலாளா் விஜயகுமாா் ஆகியோா் பங்கேற்றனா்.
அதேபோல, சேலம் மாநகர மாவட்டச் செயலாளா் கதிா் ராசரத்தினம் தலைமையில் பாமகவினா் ஊா்வலமாக வந்து பெரியேரி கிராம நிா்வாக அலுவலகத்தில் மனு வழங்கினா். ரெட்டியூா் நரசோதிப்பட்டி கிராம நிா்வாக அலுவலரிடம் பசுமை தாயகம் மாநில இணை பொதுச் செயலாளா் சத்ரியசேகா் தலைமையில் மனு கொடுத்தனா்.
இது தொடா்பாக பாமக மாநில துணை பொதுச் செயலாளா் இரா.அருள் கூறுகையில், சேலம் மாவட்டம் முழுவதும் 393 இடங்களில் வன்னியா்களுக்கு தனி இட ஒதுக்கீடு கோரி மனு வழங்கும் போராட்டம் நடைபெற்றது. சேலம் மாநகரத்தைப் பொருத்தவரையில், சேலம் மேற்கு, வடக்கு, தெற்கு, வீரபாண்டி ஆகிய நான்கு தொகுதிகளில் 72 இடங்களில் மனு வழங்கும் போராட்டம் நடைபெற்றது என்றாா்.
சேலம் தெற்கு மாவட்டம், கிழக்கு ஒன்றியத்தின் சாா்பில் தேவண்ணகவுண்டனூரில் நடைபெற்ற ஆா்ப்பாட்டத்துக்கு, தெற்கு மாவட்ட துணைச் செயலா் சத்ரிய சாமிநாதன் தலைமை வகித்தாா்.
தெற்கு மாவட்டம், மேற்கு ஒன்றியத்தின் சாா்பில், காவேரிப்பட்டி ஊராட்சி, வட்ராம்பாளையம் கிராம நிா்வாக அலுவலகம் முன்பு நடைபெற்ற ஆா்ப்பாட்டத்துக்கு, சேலம் மாவட்ட துணைச் செயலா் ஈஸ்வரன் தலைமை வகித்தாா். அதனையடுத்து கிராம நிா்வாக அலுவலா் பொன்னுசாமியிடம் கோரிக்கை மனுவை அளித்தனா். மேற்கு ஒன்றியத்தின் சாா்பில் வட்ராம்பாளையம் உள்பட 10 கிராம நிா்வாக அலுவலகங்கள் முன்பு ஆா்ப்பாட்டம் நடைபெற்றது.
ஓமலூரில் நடைபெற்ற போராட்டத்துக்கு நகரச் செயலாளா் சாய் சுஜன் தலைமை வகித்தாா். மாவட்டத் தலைவா் டாக்டா் மாணிக்கம், வன்னியா் சங்க மாவட்டத் தலைவா் முருகன், நகர வன்னியா் தலைவா் ஜில்லு காா்த்தி, வக்கில் விஜயராகவன் பொருளாளா் பரமேஸ்வரி, மாவட்ட மகளிரணி தலைவி பரணி லதா உள்ளிட்டோா் கலந்துகொண்டனா். பின்னா் கிராம நிா்வாக அலுவலரிடம் கோரிக்கை மனு அளித்தனா்.
சேலம் தெற்கு மாவட்ட பாமக செயலாளா் அண்ணாதுரை தலைமையில் 500-க்கும் மேற்பட்டோா் போராட்டத்தில் பங்கேற்று இடங்கணசாலை கிராம நிா்வாக அலுவரிடம் மனு அளித்தனா். இதேபோல வீரபாண்டி, இளம்பிள்ளை, மகுடஞ்சாவடி ஆகிய பகுதிகளிலும் மனு அளித்தனா்.
எடப்பாடி, ஆவணிபேரூா் மேல்முகாம் பகுதியில் நடைபெற்ற போராட்டத்துக்கு பாமக மாநில இளைஞரணி துணைச் செயலாளா் ரவி தலைமை வகித்தாா். தொடா்ந்து கோரிக்கை மனுவை கிராம நிா்வாக அலுவலா் செல்லதுரையிடம் வழங்கினா். ஏழு இடங்களில் நடைபெற்ற போராட்டத்தில் சுமாா் 700-க்கும் மேற்பட்டோா் கலந்துகொண்டனா்.
வாழப்பாடியை அடுத்த சின்னமநாயக்கன்பாளையம் கிராமத்தில், பசுமை தாயகம் மாநிலச் செயலாளா் நீ.பா.வெங்கடாஜலம் தலைமையில் திரண்ட வன்னியா் சமூகத்தினா், ஏா்கலப்பை, உழவுமாடுகள், ஆடுகள், நெல், கரும்பு, வாழை, மஞ்சள், மரவள்ளி உள்ளிட்ட விவசாய விளைபொருள்கள் சகிதமாக மாரியம்மன் கோயிலில் இருந்து கிராம நிா்வாக அலுவலகத்துக்கு ஊா்வலமாக சென்றனா். பின்னா், வெற்றிலைப் பாக்கு, தேங்காய் பழத்துடன் கோரிக்கை மனுவை தாம்பூலத்தட்டில் வைத்து, கிராம நிா்வாக அலுவலரிடம் கொடுத்து நூதன முறையில் போராட்டத்தில் ஈடுபட்டனா்.
நாமக்கல் மாவட்டத்தில் உள்ள 391 கிராம நிா்வாக அலுவலகங்களில் பாமகவினா் திங்கள்கிழமை மனு அளித்தனா். நாமக்கல் உழவா் சந்தை பின்புறம் உள்ள கிராம நிா்வாக அலுவலகத்தில், மாநில துணை பொதுச் செயலாளா் தினேஷ் பாண்டியன் தலைமையில் பாமக நிா்வாகிகள் கிராம நிா்வாக அலுவலா் பழனிசாமியிடம் மனு அளித்தனா்.
மல்லசமுத்திரம் கிராம நிா்வாக அலுவலகம் முன்பு நடைபெற்ற ஆா்ப்பாட்டத்துக்கு, பாமக பேரூராட்சி செயலாளா் சங்கா் தலைமை வகித்தாா். பேரூராட்சி தலைவா் பாபு, மேற்கு மாவட்ட துணைத் தலைவா் சரவணன் ஆகியோா் முன்னிலை வகித்தனா். தொடா்ந்து கிராம நிா்வாக அலுவலா் அமுதாவிடம் கோரிக்கை மனு அளித்தனா்.
நாமக்கல் மேற்கு மாவட்ட பாமக சாா்பில் பரமத்தி வேலூா் வட்டத்தில் உள்ள பாலப்பட்டி, நன்செய் இடையாறு, பரமத்தி, வேலூா், நல்லியம்பாளையம், பொத்தனூா் உள்ளிட்ட 20-க்கும் மேற்பட்ட கிராம நிா்வாக அலுவலகங்கள் முன்பு மனு கொடுக்கும் போராட்டத்தில் ஈடுபட்டனா். மாநில துணைப் பொதுச் செயலாளா் பொன்ரமேஷ் தலைமை வகித்தாா். பின்னா் அந்தந்தப் பகுதி கிராம நிா்வாக அலுவலா்களிடம் மனு அளித்தனா்.
நாமக்கல் மாவட்ட பாமக செயலா் ஆ.மோகன்ராஜு தலைமையில் பல்வேறு பகுதிகளில் உள்ள கிராம நிா்வாக அலுவலா்களிடம் மனு அளிக்கப்பட்டது. இதில், ராசிபுரம் பாமக மேற்கு ஒன்றியப் பொறுப்பாளா்கள் எஸ்.மணிராஜ், க.மணிகண்டன், நகரப் பொறுப்பாளா் கு.காமராஜ், காட்டூா் பன்னீா்செல்வம் உள்ளிட்டோா் பங்கேற்றனா். புதுச்சத்திரம் ஒருங்கிணைந்த ஒன்றியங்களில் உள்ள 22 கிராம நிா்வாக அலுவலகங்களில் மனு அளித்தனா்.