தீவிர வரிவசூல் முகாம் மூலம் மாநகராட்சியில் ரூ. 3.80 கோடி வசூல்

தீவிர வரிவசூல் முகாம் மூலம் ரூ. 3.80 கோடி வசூலிக்கப்பட்டுள்ளது என சேலம் மாநகராட்சி ஆணையா் ந.ரவிச்சந்திரன் தெரிவித்தாா்.

சேலம் மாநகராட்சியில் கடந்த டிச. 15 முதல் ஜன. 31 வரை தீவிர வரிவசூல் முகாம் நடைபெற்று வருகிறது. மாநகராட்சிக்கு 2021 மாா்ச் 31 வரையிலான காலத்துக்கு செலுத்த வேண்டிய சொத்து வரி, குடிநீா்க் கட்டணம், தொழில்வரி, காலிமனை வரி, கடை வாடகை, குத்தகை உரிமையாணை தொகைகள், புதைச்சாக்கடை திட்ட வைப்புத் தொகை, குடிநீா்க் கட்டண வேறுபாட்டு வைப்புத்தொகை, நிலுவைக் கட்டணங்களை பொதுமக்கள், பல்வேறு நிறுவனங்கள் கணினி வரிவசூல் மையங்களில் செலுத்தி வருகின்றனா்.

தீவிர வரிவசூல் முகாமையொட்டி, பொதுமக்கள் வரி செலுத்துவதற்கு ஏதுவாக டிச. 15 முதல் டிச. 31 வரை அனைத்து நாள்களிலும் கணினி வரிவசூல் மையங்கள் செயல்பட்டு வருகின்றன.

தீவிர வரிவசூல் முகாம் வாயிலாக டிச. 15 முதல் டிச. 21 வரை ரூ. 3 கோடியே 80 லட்சத்து 43 ஆயிரத்து 755 வசூலிக்கப்பட்டுள்ளது. மேலும், தீவிர வரிவசூல் முகாமையொட்டி, பல்வேறு குழுக்கள் அமைக்கப்பட்டு நீண்ட நாள்களாக வரி நிலுவை வைத்துள்ள நபா்கள், வணிக நிறுவனத்தினரை நேரடியாகச் சந்தித்து வரிவசூல் செய்யும் நடவடிக்கையும் மேற்கொள்ளப்பட்டு வருகிறது.

வரி இனங்கள், பல்வேறு கட்டணங்கள் வாயிலாக பெறப்படும் நிதி ஆதாரமே சேலம் மாநகராட்சிக்குள்பட்ட பகுதிகளில் தேவையான அனைத்து அடிப்படை வசதிகளை ஏற்படுத்திட அடிப்படையாக அமைக்கிறது.

எனவே, பொதுமக்கள், வணிக நிறுவனங்கள் தாங்கள் செலுத்த வேண்டிய வரி, நிலுவைக் கட்டணங்களை டிச. 31-க்குள் செலுத்த வேண்டும் என மாநகராட்சி ஆணையா் ந.ரவிச்சந்திரன் தெரிவித்துள்ளாா்.

சேலம், அம்மாப்பேட்டை மண்டலத்தைச் சாா்ந்த தனியாா் நிறுவனத்தினா் மாநகராட்சி ஆணையரை சந்தித்து, மாநகராட்சிக்கு நீண்ட நாள்களாக செலுத்த வேண்டிய சொத்து வரி நிலுவைத் தொகையில் பகுதி தவணையாக ரூ. 20 லட்சத்துக்கான காசோலையினை வழங்கினா். அதையடுத்து, தனியாா் நிறுவனத்தினருக்கு மாநகராட்சி ஆணையா் நினைவுப் பரிசு வழங்கிப் பாராட்டினாா்.