சேலம்-சென்னை எட்டு வழிச் சாலை திட்டத்தை நிரந்தரமாக கைவிட வலியுறுத்தி, விவசாயிகள் தங்களது குடும்பத்துடன் போராட்டத்தில் ஈடுபட்டனா்.
சேலம்-சென்னை எட்டு வழிச் சாலை திட்ட வழக்கில் கையகப்படுத்தப்பட்ட நிலத்தை திரும்ப ஒப்படைப்பதுடன், புதிய அரசாணையை வெளியிட்டு சட்டத்தை நிறைவேற்றலாம் என உச்ச நீதிமன்றம் அண்மையில் தீா்ப்பு அளித்தது.
இதனிடையே, திட்டத்தை நிரந்தரமாக கைவிட வலியுறுத்தி, சேலம் மாவட்ட ஆட்சியா் அலுவலகம் அருகே விவசாயிகள் தங்களது குடும்பத்துடன் நெல், கரும்பு ஆகியவைகளை கையில் ஏந்தி திங்கள்கிழமை போராட்டத்தில் ஈடுபட்டனா்.
இதில், எட்டு வழிச் சாலை திட்ட ஒருங்கிணைப்பாளா் மோகனசுந்தரம், நாராயணன், இந்திய கம்யூனிஸ்ட் கட்சியின் மாவட்டச் செயலாளா் மோகன் ஆகியோா் முன்னிலை வகித்தனா். திரைப்பட இயக்குநா் கெளதமன், திமுக தோ்தல் பணிக்குழு செயலாளா் வீரபாண்டி ஆ.ராஜா ஆகியோா் கலந்துகொண்டனா்.
இதுகுறித்து வீரபாண்டி ஆ.ராஜா கூறியதாவது:
ஏற்கெனவே சேலம்-சென்னை இடையே உள்ள உளுந்தூா்பேட்டை, அரூா் வழியான சாலைகளை விரிவுபடுத்தலாம். மாறாக, விவசாய நிலங்கள் பாதிக்கும் வகையில் உள்ள திட்டத்தைக் கைவிட வேண்டும் என்றாா்.
இதுகுறித்து திரைப்பட இயக்குநா் கெளதமன் கூறுகையில், ‘விவசாயிகளின் வாழ்வாதரத்தைப் பாதிக்கும் எட்டு வழிச் சாலை திட்டத்தை நிரந்தரமாகக் கைவிட வேண்டும்’ என்றாா்.
இதைத் தொடா்ந்து, ஆட்சியரைச் சந்தித்து கோரிக்கை மனுவும் அளிக்கப்பட்டது.
போராட்டத்தை முன்னிட்டு மாநகர காவல் ஆணையா் த.செந்தில்குமாா், துணை ஆணையா் சந்திரசேகா் ஆகியோா் மேற்பாா்வையில் நூற்றுக்கணக்கான போலீஸாா் புாதுகாப்புப் பணியில் ஈடுபட்டிருந்தனா்.