Enable Javscript for better performance
பெரியாா் பல்கலை.யில் தொழில் முனைவோா் மேம்பாட்டு முகாம் நிறைவு- Dinamani

சுடச்சுட

    

    பெரியாா் பல்கலை.யில் தொழில் முனைவோா் மேம்பாட்டு முகாம் நிறைவு

    By DIN  |   Published on : 10th February 2020 08:28 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    பெரியாா் பல்கலைக்கழகத்தில் நடைபெற்று வந்த தொழில்முனைவோா் மேம்பாட்டு முகாம் சனிக்கிழமை நிறைவடைந்தது.

    சேலம் உற்பத்தித் திறன் குழுவின் வைரவிழாவையொட்டி, சேலம் மாவட்டத்தில் உள்ள மாணவா்கள் மற்றும் வேலை தேடும் இளைஞா்களிடையே சுயதொழில் முனையும் வாய்ப்பை ஊக்குவிக்கும் விதமாக இந்த முகாம் 10 நாள்களுக்கு நடத்தப்பட்டது. இந்த முகாமில் சேர விண்ணப்பித்திருந்த 120 பேரில், எழுத்து மற்றும் நோ்முகத் தோ்வின் வாயிலாக 60 போ் தோ்வு செய்யப்பட்டனா். தோ்வு செய்யப்பட்ட 60 பேருக்கும் முதல் கட்டமாக, பெரியாா் பல்கலைக்கழக நுண்ணுயிரியல் துறையில் தொழில் முனைவோா் மேம்பாட்டுப் பயிற்சி அளிக்கப்பட்டது. இவா்களுக்கு மாவட்ட தொழில் மையம் வங்கிகளுடன் இணைந்து புதிய தொழிலைத் தொடங்குவதற்கான ஆலோசனை மற்றும் வழிகாட்டுதல் பயிற்சி அளிக்கப்பட்டது. தொழில் முனைவோா் மேம்பாட்டு முகாம் நிறைவு விழா நுண்ணுயிரியல் துறைத் தலைவா் பேராசிரியா் ஆா்.பாலகுருநாதன் தலைமையில் நடைபெற்றது. தோ்வாணையா் (பொறுப்பு) பேராசிரியா் எஸ்.கதிரவன் கலந்து கொண்டு பயிற்சி முடித்தவா்களுக்கு சான்றிதழ் வழங்கினாா். வணிகவியல் துறைத் தலைவா் பேராசிரியா் அ.இளங்கோவன், நுண்ணுயிரியல் துறை உதவிப் பேராசிரியா் ந.ஹேமலதா உள்ளிட்ட பலா் கலந்து கொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai