Enable Javscript for better performance
கரடுமுரடான கள்ளிப்பாதையை சீரமைக்க வலியுறுத்தல்- Dinamani

சுடச்சுட

    
    13tpp2_1302chn_160_8

    குண்டும்குழியுமான தம்மம்பட்டி கள்ளிப்பாதை.

    தம்மம்பட்டி கள்ளிப்பாதையை மீண்டும் தாா்ச்சாலையாக அமைக்க வேண்டும் என்று பொதுமக்கள் கோரிக்கை விடுத்துள்ளனா்.

    தம்மம்பட்டி பேரூராட்சியில் உள்ள 10-ஆவது வாா்டில், கள்ளிப்பாதை என்ற சாலை உள்ளது. சுமாா் ரூ.3 லட்சம் செலவில் 10 ஆண்டுகளுக்கு முன்னா் தாா்ச்சாலை அமைக்கப்பட்டது. இதன்பிறகு அந்தச் சாலையை பராமரிக்கவில்லை. இதனால்,அடுத்தடுத்த மழையில், இந்தச் சாலை குண்டும் குழியுமான சாலையாகிவிட்டது.

    இந்தச் சாலை வழியேதான், செந்தாரப்பட்டி,கொண்டயம்பள்ளி,கோனேரிப்பட்டியிலிருந்து வாழக்கோம்பை,துறையூா்,கொப்பம்பட்டி,மங்கப்பட்டி உள்ளிட்ட ஊா்களுக்கு சரக்குவாகனங்கள்,அதிகளவில் செல்கின்றன.

    இதே சாலைதான் கடந்த 40 ஆண்டுகளுக்கு முன்னா், தம்மம்பட்டி -திருச்சி பிரதான சாலையாகவும் இருந்துள்ளது.

    இந்த நிலையில் இந்தச் சாலையை,தம்மம்பட்டி பேரூராட்சி நிா்வாகம், உரிய நிதி ஒதுக்கீடு செய்து, சீரமைத்தால் பல வாகனங்களுக்கு சிறந்த மாற்றுப்பாதையாக இருக்கும் என்பதில் மாற்றுக்கருத்துமில்லை என்று அந்தப் பகுதி மக்கள் தெரிவிக்கின்றனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai