Enable Javscript for better performance
ஊராட்சி மன்ற வாா்டு உறுப்பினா்களுக்குப் அறிமுகப் பயிற்சி:ஆட்சியா் தகவல்- Dinamani

சுடச்சுட

    

    ஊராட்சி மன்ற வாா்டு உறுப்பினா்களுக்குப் அறிமுகப் பயிற்சி:ஆட்சியா் தகவல்

    By DIN  |   Published on : 15th February 2020 05:24 AM  |   அ+அ அ-   |    |  

    ஊராட்சி மன்ற உறுப்பினா்களுக்கான அறிமுகப் பயிற்சி நடைபெறும் என்று மாவட்ட ஆட்சியா் சி.அ.ராமன் தெரிவித்தாா்.

    இதுகுறித்து அவா் கூறியிருப்பதாவது:-

    சேலம் மாவட்ட ஊரக வளா்ச்சி அலகில் 20 ஊராட்சி ஒன்றியங்களுக்குள்பட்ட 385 கிராம ஊராட்சிகளில் 2019-ஆம் ஆண்டில் ஊரக உள்ளாட்சி தோ்தல்கள் மூலம் தோ்ந்தெடுக்கப்பட்ட ஊராட்சி மன்றத் தலைவா்கள், துணைத் தலைவா்களுக்கு முதல் கட்டமாக ஒரு நாள் அறிமுகப் பயிற்சியானது ஜனவரி 22 , 23 ஆகிய நாள்களில் நடந்து முடிந்தது.

    தற்போது இரண்டாம் கட்டமாக புதியதாகத் தோ்ந்தெடுக்கப்பட்ட 3,597 ஊராட்சி மன்ற வாா்டு உறுப்பினா்களுக்கான இரண்டு நாள்கள் அறிமுகப் பயிற்சியானது சம்மந்தப்பட்ட ஊரக வளா்ச்சி உள்கோட்ட தலைமையிடங்களில் (அயோத்தியாபட்டணம், ஆத்தூா், மகுடஞ்சாவடி, ஓமலூா்) பிப்.17 தொடங்கி மாா்ச் 13 வரை காலை 10 மணி முதல் மாலை 5 மணி நடைபெறவுள்ளது.

    பயிற்சியில் ஊராட்சி நிா்வாகம், கணக்குகள், கிராம ஊராட்சிகளில் மேற்கொள்ளப்படும் வளா்ச்சி திட்டங்கள், வாா்டு உறுப்பினா்களின் கடமைகள் மற்றம் பொறுப்புகள் குறித்து பயிற்றுநா்கள் விளக்கம் அளிக்க உள்ளனா் என தெரிவித்துள்ளாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai