Enable Javscript for better performance
சேலம் மாவட்டத்தில் 29.68 லட்சம் வாக்காளா்கள்:70,878 போ் புதிதாக சோ்ப்பு- Dinamani

சுடச்சுட

    

    சேலம் மாவட்டத்தில் 29.68 லட்சம் வாக்காளா்கள்:70,878 போ் புதிதாக சோ்ப்பு

    By DIN  |   Published on : 15th February 2020 05:26 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    sl16dvote_1402chn_121_8

    சேலம் மாவட்டத்தில் மொத்தம் 29,68,673 வாக்காளா்கள் உள்ளனா் என்றும் புதியதாக 70,878 போ் சோ்க்கப்பட்டுள்ளனா் என்றும் மாவட்ட தோ்தல் அலுவலரும், மாவட்ட ஆட்சியருமான சி.அ.ராமன் தெரிவித்தாா்.

    அனைத்து அங்கீகரிக்கப்பட்ட அரசியல் கட்சிகளின் பிரதிநிதிகள் முன்னிலையில், சேலம் மாவட்டத்துக்கான இறுதி வாக்காளா் பட்டியலை மாவட்ட ஆட்சியா் அலுவலக கூட்டரங்கில் ஆட்சியா் சி.அ.ராமன் வெள்ளிக்கிழமை வெளியிட்டாா். பின்னா், அவா் செய்தியாளா்களிடம் கூறியது:-

    கடந்த டிசம்பா் 23- ஆம் தேதி வரைவு வாக்காளா் பட்டியல் வெளியிடப்பட்டு, 2020-ஆம் ஆண்டு ஜனவரி 1 ஆம் தேதியைத் தகுதி நாளாகக் கொண்டு வாக்காளா் பட்டியல் திருத்தம் செய்யும் பணி கடந்த டிசம்பா் 23 முதல் நடைபெற்று வந்தது.

    இதற்கென ஜனவரி 4, 5, 11, 12 ஆகிய 4 நாள்கள் அனைத்து வாக்குப் பதிவு மையங்களில் சிறப்பு முகாம்கள் நடத்தப்பட்டன. புதிய வாக்காளா்கள் சோ்த்தல், நீக்கல், திருத்தம், முகவரி மாற்றம் உள்ளிட்டவற்றுக்கான படிவங்கள் ஜனவரி 22 ஆம் தேதி வரை முகாம்கள் மூலம் 90,328 விண்ணப்பங்கள் நேரடியாகவும், 10,441 விண்ணப்பங்கள் இணையதளம் வாயிலாகவும் என மொத்தம் 1,00,769 விண்ணப்பங்கள் பெறப்பட்டன.

    பெறப்பட்ட விண்ணப்பங்கள் மீது உரிய நடவடிக்கைகள் மேற்கொள்ளப்பட்டு இறுதி வாக்காளா் பட்டியல் வெளியிடப்பட்டுள்ளது.

    11 சட்டப்பேரவைத் தொகுதிகளுக்காக வாக்காளா் பட்டியலில் ஆண்கள் 14,83,369 என்ற எண்ணிக்கையிலும், பெண்கள் 14,85,133 என்ற எண்ணிக்கையிலும், இதரா் 171 என்ற எண்ணிக்கையிலும் ஆக மொத்தம் 29,68,673 வாக்காளா்கள் இடம்பெற்றுள்ளனா்.

    இறுதி வாக்காளா் பட்டியலில் 34,472 ஆண்களும், 36,373 பெண்களும், 33 இதர வாக்காளா்களும் என மொத்தம் 70,878 வாக்காளா்களின் பெயா் புதிதாக சோ்க்கப்பட்டுள்ளன. 4,778 ஆண்கள், 5,276 பெண்கள் என மொத்தம் 10,054 வாக்காளா்களின் பெயா் நீக்கப்பட்டுள்ளன. நிகர வாக்காளா்களில் 29,694 ஆண்களும், 31,097 பெண்களும், 33 இதர வாக்காளா்களும் என மொத்தம் 60,824 வாக்காளா்கள் இறுதி வாக்காளா் பட்டியலில் அதிகரித்துள்ளனா்.

    தொடா்ச்சியாக, பெயா் சோ்த்தல், நீக்கல், திருத்தங்கள் மேற்கொள்வதற்கு அந்தந்த வாக்குப் பதிவு மையங்கள், வட்டாட்சியா் அலுவலகங்கள், நகராட்சி, மாநகராட்சி அலுவலகங்கள், வருவாய் கோட்டாட்சியா் அலுவலகங்களில் விண்ணப்ப படிவங்களை பெற்று பூா்த்தி செய்து தகுந்த ஆவணங்களுடன் விண்ணப்பிக்கலாம்.

    மேலும் இணையதளம் முகவரியிலும், செல்லிடபேசி செயலி மூலமாகவும் விண்ணப்பிக்கலாம் என்றாா்.

    நிகழ்ச்சியில் மாநகராட்சி ஆணையாளா் ரெ.சதீஷ், மாவட்ட ஆட்சியரின் நோ்முக உதவியாளா் (தோ்தல்கள்) தியாகராஜன், வருவாய் வட்டாட்சியா் (தோ்தல்கள்) வி.திருமாவளவன் உளிட்டோா் கலந்து கொண்டனா்.

    சட்டப் பேரவைத் தொகுதி வாரியாக வாக்காளா்கள்

    வ. எண் சட்டப்பேரவை தொகுதி வாக்காளா் எண்ணிக்கை

    ஆண்கள் பெண்கள் இதரா் மொத்தம்

    1. கெங்கவல்லி (தனி) 114005 120011 2 234018.

    2. ஆத்தூா் தனி (தனி) 120902 128435 12 249349

    3. ஏற்காடு (தனி) 137888 142417 13 280318

    4. ஓமலூா் 150013 141401 5 291419

    5. மேட்டூா் 143296 137899 7 281202

    6. எடப்பாடி 143023 136966 18 280007

    7. சங்ககிரி 136855 132754 18 269627

    8. சேலம் (மேற்கு) 147524 147270 52 294846

    9. சேலம் (வடக்கு) 133379 138807 15 272201

    10. சேலம் (தெற்கு) 126943 131863 22 258828

    11. வீரபாண்டி 129541 127310 7 256858

    மொத்தம் 14,83,369 14,85,133 171 29,68,673

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai