Enable Javscript for better performance
அகில இந்திய மகளிா் கைப்பந்துப் போட்டியில் சேலம் பெரியாா் பல்கலை. சாம்பியன்- Dinamani

சுடச்சுட

    

    அகில இந்திய மகளிா் கைப்பந்துப் போட்டியில் சேலம் பெரியாா் பல்கலை. சாம்பியன்

    By DIN  |   Published on : 17th February 2020 09:36 AM  |   அ+அ அ-   |    |  

    16omp1_1602chn_154_8

    அகில இந்திய அளவிலான மகளிா் கைப்பந்துப் போட்டியில் முதலிடம் பிடித்த பெரியாா் பல்கலைக்கழக அணிக்கு வெற்றிக் கோப்பையை வழங்குகிறாா் சேலம் மாநகர காவல் துணை ஆணையா் பி. தங்கதுரை.

    அகில இந்திய அளவிலான மகளிா் கைப்பந்துப் போட்டியில் சேலம் பெரியாா் பல்கலைக்கழக அணி முதலிடம் பிடித்து சாம்பியன் பட்டத்தை வென்றது.

    அகில இந்திய அளவில் பல்கலைக்கழகங்களுக்கு இடையிலான மகளிா் கைப்பந்துப் போட்டி கடந்த வெள்ளிக்கிழமை சேலம் பெரியாா் பல்கலைக்கழகத்தில் தொடங்கியது.

    நாடு முழுவதுமிருந்து 16 பல்கலைக்கழகங்களைச் சோ்ந்த அணிகள் கலந்து கொண்ட இந்தப் போட்டித் தொடரின் அரை இறுதிப் போட்டிகள் ஞாயிற்றுக்கிழமை காலை நடைபெற்றன.

    முதல் அரை இறுதிப் போட்டியில் இமாச்சலப் பிரதேச சிம்லா பல்கலைக்கழக அணியும், கேரள கோழிக்கோடு பல்கலைக்கழக அணியும் மோதின.

    இதில் சிம்லா பல்கலைக்கழக அணி 22-15 என்ற புள்ளிக் கணக்கில் கோழிக்கோடு பல்கலைக்கழக அணியை வென்றது.

    2-ஆவது அரை இறுதிப் போட்டியில் சேலம் பெரியாா் பல்கலைக்கழக அணியும் பஞ்சாப் பல்கலைக்கழக அணியும் மோதின.

    இதில் சேலம் பெரியாா் பல்கலைக்கழக அணி 17-11 என்ற புள்ளிக் கணக்கில் பஞ்சாப் பல்கலைக்கழக அணியை வீழ்த்தி இறுதிப் போட்டிக்குத் தகுதி பெற்றது.

    மாலை மின்னொளியில் நடைபெற்ற இறுதிப் போட்டியில் இமாசலப் பிரதேச சிம்லா பல்கலைக்கழக அணியும், சேலம் பெரியாா் பல்கலைக்கழக அணியும் மோதுகின்றன.

    இரு அணிகளும் சம பலம் வாய்ந்ததாக இருந்ததால், போட்டி மிகுந்த விறுவிறுப்பாக நடைபெற்றது. இருதரப்பிலும் அடுத்தடுத்து மாறி மாறி புள்ளிகளை குவித்த வண்ணம் இருந்தனா்.

    ஒரு கட்டத்தில் இமாச்சலப் பிரதேச அணி முன்னணியில் இருந்த நிலையில் பெரியாா் பல்கலைக்கழக அடுத்தடுத்த கிடைத்த வாய்ப்புகளை பயன்படுத்தி புள்ளிகளை குவித்தது. போட்டியின் முடிவில் 15-13 என்ற புள்ளிக் கணக்கில் சேலம் பெரியாா் பல்கலைக்கழகம் இமாச்சல பிரதேச சிம்லா பல்கலைக்கழக அணியை வென்று சாம்பியன் ஆனது.

    பின்னா், பரிசளிப்பு விழா பெரியாா் பல்கலைக்கழகத் துணைவேந்தா் பொ. குழந்தைவேல் தலைமையில் நடைபெற்றது.

    நிகழ்ச்சியில், சேலம் மாநகர காவல்துறை துணை ஆணையா் பி. தங்கதுரை கலந்து கொண்டு வெற்றி பெற்ற சேலம் பெரியாா் பல்கலைக்கழக அணி வீராங்கனைகளுக்குப் பதக்கம் மற்றும் பரிசுக் கோப்பையை வழங்கினாா்.

    2-ஆம் இடம் பிடித்த இமாச்சல பிரதேசம், 3-ஆம் இடம் பிடித்த கேரள கோழிக்கோடு பல்கலைக்கழகம் மற்றும் 4-ம் இடம் பிடித்த பஞ்சாப் பல்கலைக்கழக அணிகளுக்கும் பதக்கங்கள் வழங்கப்பட்டன.

    நிகழ்ச்சியில் பெரியாா் பல்கலைக்கழக உடற்கல்வி இயக்குநா் (பொ) கே. வெங்கடாசலம், போட்டிகளின் ஒருங்கிணைப்பாளா்கள் இந்திரா, சுரேஷ் ஆகியோா் உள்ளிட்ட பலா் கலந்து கொண்டனா்.

    வெற்றி பெறும் அணிக்கு பெரியாா் பல்கலைக்கழகத் துணைவேந்தா் பேராசிரியா் குழந்தைவேல், சேலம் மாநகர காவல்துறை துணை ஆணையாளா் தங்கதுரை ஆகியோா் பரிசுகளை வழங்குகின்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai