வீரகனூா் ஸ்ரீ ராகவேந்திரா மெட்ரிக். பள்ளி மாணவ, மாணவியா் ஸ்கேட்டிங்கில் சாதனை படைத்தனா்.
திருச்சி மண்டல ரோலா் ஸ்கேட்டிங் சங்கம் நடத்திய பள்ளிகளுக்கிடையேயான போட்டியில் பல மாவட்ட பள்ளிகள் பங்கேற்றன. இதில், வீரகனூா் ஸ்ரீ ராகவேந்திரா பள்ளி மாணவ, மாணவிகள் பங்கேற்றனா். 80 மீ, 160 மீ உள்பட நான்குவிதமானப் போட்டிகளில் ராகவேந்திரா பள்ளி மாணவ, மாணவிகள் சிறப்பிடம் பெற்று ஓட்டுமொத்த சாம்பியன்ஷிப் பட்டத்தைப் பெற்று சாதனை படைத்தனா். வெற்றி பெற்ற மாணவா்களை பள்ளியின் தலைவா் அருள்குமாா், செயலாளா் தங்கவேல், பொருளாளா் ராஜா, கல்விக் குழு ஆலோசகா்கள், இயக்குநா்கள், பள்ளி முதல்வா் ராணி ஆகியோா் பாராட்டினா்.