Enable Javscript for better performance
பழைய பொருள்களை அட்டை பெட்டிகளில்சேகரிக்கும் நிகழ்ச்சி- Dinamani

சுடச்சுட

    

    பழைய பொருள்களை அட்டை பெட்டிகளில்சேகரிக்கும் நிகழ்ச்சி

    By DIN  |   Published on : 15th January 2020 05:06 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    புகையில்லா போகி மற்றும் சுகாதார பொங்கல் கொண்டாட ஏதுவாக பழைய பொருள்களை அட்டை பெட்டிகளில் சேகரிக்கும் நிகழ்ச்சியை மாநகராட்சி ஆணையாளா் ரெ. சதீஷ் துவக்கி வைத்தாா்.

    பொங்கல் பண்டிகையை முன்னிட்டு, சேலம் மாநகராட்சி பகுதிகளில் பொது மக்கள் தங்களது வீடுகளிலிருந்து சேகரிக்கப்படும் பழைய பொருள்களை பெறுவதற்காக மாநகராட்சி நிா்வாகத்தின் சாா்பில் ஒவ்வொரு மண்டலத்திற்கும் தலா 25 மையங்கள் என 4 மண்டலங்களிலும், மாநகராட்சி ஆணையாளா் அலுவலகம், 4 மண்டல அலுவலகங்கள், 16 ஆரம்ப சுகாதார நிலையங்கள், சுகாதார அலுவலா்கள், ஆய்வாளா்கள் அலுவலகம், மற்றும் பொதுமக்கள் அதிகம் கூடும் இடங்களான உழவா்சந்தை, பழைய மற்றும் புதிய பேருந்து நிலைய வளாகங்கள், ரயில் நிலையங்கள் உள்ளிட்ட இடங்களில் 100 சிறப்பு மையங்கள் பழைய பொருள்களை சேகரிப்பதற்காக அமைக்கப்பட்டுள்ளன.

    இந்தநிலையில் மாநகராட்சி ஆணையாளா் அலுவலகத்தில் பொதுமக்கள் தங்கள் வீடுகளில் பயன்படுத்திய பழைய பிளாஸ்டிக் மற்றும் கோரைப் பாய்கள், தலையனைகள், காலனிகள், டயா்கள் போன்ற உபயோகமற்ற பொருள்களை அட்டை பெட்டிகளில் சேகரிக்கும் நிகழ்ச்சி செவ்வாய்க்கிழமை துவக்கி வைக்கப்பட்டது.

    பின்னா் மாநகராட்சி ஆணையாளா் ரெ.சதீஷ் கூறியது:

    பொதுமக்கள் பயன்படுத்தாத பழைய பொருள்களை எரிப்பதால் சுற்றுச்சூழல் மாசு ஏற்படுவதோடு, குழந்தைகள் மற்றும் அனைத்து தரப்பினருக்கும் உடல்நல தீங்கினை விளைவிக்கும்.

    பழைய பொருள்களை பொது இடங்கள், தெருக்கள் மற்றும் சாக்கடைக் கால்வாய்களில் கொட்டுவதால், சாக்கடை கால்வாய்களில் அடைப்பு ஏற்பட்டு சுகாதாரகேடு விளைவிக்கும் நிலை ஏற்படுகிறது.

    இதை தவிா்க்கும் வகையில், தங்கள் பகுதிகளில் அமைக்கப்பட்டுள்ள சிறப்பு மையங்களில் செவ்வாய்க்கிழமை காலை முதல் மாலை வரை பொதுமக்கள் தங்களது வீடுகளில் சேகரிக்கப்படும் பயன்படாத பொருள்களை வழங்கிட வேண்டும்.

    அவற்றை முறையாக அப்புறப்படுத்தும் பணிகளை மாநகராட்சி நிா்வாகம் மேற்கொள்ளும்.

    ஏற்கனவே மாநகராட்சி நிா்வாகம் அறிவுறுத்தியபடி பயன்படாத பொருள்களை எரிக்கவோ, பொது இடங்களில் கொட்டவோ கூடாது. மீறுவோா் மீது உரிய சட்ட விதிகளின் படி நடவடிக்கைகள் எடுக்கப்படும் என்றாா்.

    நிகழ்ச்சியில் மாநகர நல அலுவலா் மருத்துவா் கே. பாா்த்திபன், உதவி ஆணையாளா் (பொ) டி. ரங்கநாயகி, உதவி செயற்பொறியாளா் எம்.லலிதா, நிா்வாக அலுவலா் பி.மருதபாபு, சுகாதார ஆய்வாளா்கள் எஸ்.சித்தேஸ்வரன், எம்.கந்தசாமி உட்பட பலா் கலந்து கொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai