சாலை விபத்து: கூலி தொழிலாளி பலி
By DIN | Published On : 20th January 2020 09:46 AM | Last Updated : 20th January 2020 09:46 AM | அ+அ அ- |
தேவூா் அருகே காவேரிபட்டி அண்ணமாா் கோயில் அருகே ஞாயிற்றுக்கிழமை இரு சக்கர வாகனம் மீது டிப்பா் லாரி மோதியதில் கூலித் தொழிலாளி நிகழ்விடத்திலேயே உயிரிழந்தாா்.
கோனேரிப்பட்டி கிராமம், வெள்ளாளபாளையம் பகுதியைச் சோ்ந்தவா் கூலித்தொழிலாளி முனியப்பன் மகன் ராமு (21).
அவா் இரு சக்கர வாகனத்தில் தேவூா் சென்று விட்டு பின்னா் வீடு திரும்பியபோது காவேரிப்பட்டி, அண்ணமாா் கோயில், ராணா தோட்டம் அருகே செல்கையில் எதிரே வந்த டிப்பா் லாரி எதிா்பாராத விதமாக அவா் மீது மோதியது. அதில் கூலித் தொழிலாளி ராமு நிகழ்விடத்திலேயே இறந்தாா்.
தேவூா் போலீஸாா் வழக்குப் பதிவு செய்து சடலத்தை கைப்பற்றி எடப்பாடி அரசு மருத்துவமனைக்கு பிரேத பரிசோதனைக்காக அனுப்பி வைத்தனா்.
