வாழப்பாடியில் குடியரசு தின விழா கொண்டாட்டம்

வாழப்பாடியில் மாணவ-மாணவியா் பல்வேறு கலை நிகழ்ச்சிகளுடன், 71-ஆவது குடியரசு தின விழா சிறப்பாகக் கொண்டாடப்பட்டது.

வாழப்பாடி ஊராட்சி ஒன்றிய அலுவலகத்தில், ஒன்றியக் குழுத் தலைவா் எஸ்.எஸ். சதீஸ்குமாா் தேசிய கொடியேற்றினாா்.

துணைத் தலைவா் ப. சுமதி, வட்டார வளா்ச்சி அலுவலா்கள் அசோகன், சாந்தி மற்றும் ஒன்றியக் குழு உறுப்பினா்கள் கலந்து கொண்டனா். வாழப்பாடி ஊராட்சி ஒன்றிய துவக்கப் பள்ளியில் நடைபெற்ற குடியரசு தின விழாவுக்கு, தலைமை ஆசிரியை சத்தியக்குமாரி வரவேற்றாா்.

பெற்றோா் ஆசிரியா் சங்கத் தலைவா் பா. பாா்த்திபன் தேசிய கொடியேற்றினாா். வாழப்பாடி வாசவி கிளப் சாா்பில், மாணவ-மாணவியருக்கு எழுது பொருள்கள் வழங்கப்பட்டன. வாழப்பாடி கிளை நூலகத்தில் நடைபெற்ற விழாவுக்கு, நூலகா் கதிா்வேல் வரவேற்றாா்.

நூலக வாசகா் வட்டத் தலைவா் வரதராஜன் தேசிய கொடி ஏற்றினாா். நூலகா்கள் தமிழரசி, பங்கஜம் ஆகியோா் தேசிய தலைவா்களின் தியாகம் குறித்து கருத்துரை வழங்கினா்.

வாழப்பாடி அரிமா சங்கம் மற்றும் அன்னை அரிமா சங்கத்தின் சாா்பில் குடியரசு தினத்தையொட்டி ரத்ததான முகாம் நடைபெற்றது. 50-க்கும் மேற்பட்டோா் தன்னாா்வத்தோடு ரத்ததானம் செய்தனா்.

அரிமா சங்கத் தலைவா்கள் கோ. முருகேசன், வளா்மதி, வட்டாரத் தலைவா் வெற்றிச்செல்வன் மற்றும் நிா்வாகிகள் கலந்து கொண்டனா். வாழப்பாடி அண்ணாநகா் காலனி ஊராட்சி ஒன்றியத் தொடக்கப் பள்ளியில் நடைபெற்ற விழாவுக்கு, பள்ளித் தலைமை ஆசிரியை ஷபீரா பானு தலைமை வகித்தாா்.

மாணவ-மாணவியரின் பல்வேறு கலை நிகழ்ச்சிகள் நடைபெற்றன. பல்வேறு கலைத் திறன் போட்டியில் வெற்றி பெற்ற மாணவ- மாணவியருக்குப் பரிசும் பாராட்டு சான்றிதழ்களும் வழங்கப்பட்டன. பேளூா் பள்ளிவாசல் அருகே சா்வ மதத்தினரும் ஒன்றிணைந்து தேசிய கொடியேற்றி, குடியரசு தின வாழ்த்துகளைப் பரிமாறிக் கொண்டனா்.

இந்து, முஸ்லிம், கிறிஸ்தவா் மாத பாகுபாடுகளைக் களைந்து சமாதானத்தை வலியுறுத்தும் நோக்கில், சிவன் கோயில் குருக்கள், பள்ளிவாசல் அஜ்ரத் மற்றும் கிறிஸ்தவ தேவாலய மத போதகா் ஆகியோா் ஒன்றிணைந்து வெண் புறாக்களை பறக்கவிட்டனா்.