Enable Javscript for better performance
ஓமலூர் பேருந்து நிலையத்தில் காங்கிரஸ் கண்டன ஆர்ப்பாட்டம்- Dinamani

சுடச்சுட

    

    ஓமலூர் பேருந்து நிலையத்தில் காங்கிரஸ் கண்டன ஆர்ப்பாட்டம் 

    By DIN  |   Published on : 29th June 2020 02:23 PM  |   அ+அ அ-   |    |  

    slm

    பெட்ரோல், டீசல் விலை உயர்வை ஏற்றிய மத்திய அரசை கண்டித்து சேலம் மேற்கு மாவட்ட காங்கிரஸ் சார்பில் ஓமலூர் பேருந்து நிலையத்தில் கண்டன ஆர்ப்பாட்டம் நடைபெற்றது. இதில் மத்திய அரசுக்கு எதிரான கோஷங்கள் எழுப்பி, டீசல் விலை உயர்வை வாபஸ் வாங்க வேண்டும் என்ற கோரிக்கையை வலியுறுத்தி போராட்டம் நடைபெற்றது. 

    கடந்த கடந்த 100 நாள்களுக்கும் மேலாக இந்தியா மட்டுமல்லாது உலகம் முழுவதும் கரோனா தொற்று நோயால் பொதுமக்கள் அல்லல்படும் நிலைக்கு தள்ளப்பட்டுள்ளனர். இந்தநிலையில் தற்பொழுது ஒரு மாதத்திற்குள் டீசல், பெட்ரோல் விலையை மத்திய அரசு கடுமையாக உயர்த்தியுள்ளது. இதைதொடர்ந்து இந்திய தேசிய காங்கிரசின் தலைவர் சோனியாகாந்தி மற்றும் தமிழக காங்கிரஸ் கட்சியின் தலைவர் அழகிரி ஆகியோர் மத்திய அரசைக் கண்டித்து தமிழகம் முழுவதும் போராட்டம் நடத்த அக்கட்சியினருக்கு ஆணையிட்டார். 

    இதனையடுத்து தமிழகம் முழுவதும் இன்று ஆங்காங்கே காங்கிரஸ் கட்சியினர் போராட்டம் நடத்தி வருகின்றனர். இதன் ஒரு பகுதியாக இன்று ஓமலூர் பஸ்நிலையத்தில் இந்திய தேசிய காங்கிரஸ் சேலம் மேற்கு மாவட்ட தலைவர் முருகன் தலைமையில் நடந்த இந்த போராட்டத்தில் அக்கட்சியினர் தங்கள் எதிர்ப்புகளை தெரிவித்தனர். மேலும் பொதுமக்கள் கரோனா தொற்று நோயால் பாதிக்கப்பட்ட நிலையில் அனைத்து தொழில்களும் முடங்கியுள்ள நிலையில் தற்போது மத்திய அரசு ஒரு மாதத்திற்கு 8ரூபாய் வரை பெட்ரோல் டீசல் விலையை உயர்த்தியுள்ளது. 

    இதனால் வணிகர்கள் மட்டுமல்லாது அனைத்து தரப்பு மக்களும் பெரும் பாதிப்புக்குள்ளாகியுள்ளதாக கூறியும், பதாகைகளை ஏந்தியும் கண்டன ஆர்ப்பாட்டம் நடத்தினர். இந்நிகழ்ச்சியில் சேலம் மேற்கு மாவட்ட இளைஞர் காங்கிரஸ் தலைவர் கணேசன், மோகன் உள்ளிட்ட 50-க்கும் மேற்பட்ட காங்கிரஸ் கட்சியினர் சமூக இடைவெளியை கடைபிடித்து ஆர்பாட்டம் நடத்தினர்.
     

    TAGS
    Omalur

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp