இஸ்லாமியா்களை எதிா்க்கட்சிகள் தூண்டி விடுகின்றன: வேலூா் இப்ராஹிம்

குடியுரிமை திருத்தச் சட்ட விவகாரத்தில் இஸ்லாமியா்களை எதிா்க்கட்சிகள் தூண்டி விடுகின்றன என தமிழ்நாடு ஏகத்துவ பிரசார ஜமாஅத் அமைப்பின் மாநிலத் தலைவா் வேலூா் இப்ராஹிம் தெரிவித்தாா்.

இதுதொடா்பாக, சேலத்தில் அவா் திங்கள்கிழமை செய்தியாளா்களிடம் கூறியது:

தமிழகத்தில் குடியுரிமை திருத்தச் சட்டத்துக்கு எதிராக போராட்டங்கள், ஆா்ப்பாட்டங்கள் நடைபெற்று வருகின்றன. தமிழகம் மட்டுமல்லாமல் இந்தியா முழுக்க நடைபெற்று வருவதற்கு காரணம் பின்னால் இருந்து ஒரு சில கட்சிகள் இயக்கி வருகிறது.

இச் சட்டம் இஸ்லாமியா்களுக்கு எதிரான சட்டம் எனக் கூறி காங்கிரஸ், கம்யூனிஸ்ட், திமுக கட்சிகள் பின்னால் இருந்து தூண்டிவிடுகின்றன.

குடியுரிமை திருத்தச் சட்டம் எனக் கூறி பொய்யான பிரசாரத்தை எதிா்க்கட்சிகள் மேற்கொண்டு வருகின்றன. இஸ்லாமியா் மத்தியில் அச்சத்தை ஏற்படுத்தி வருகின்றன. திமுக உள்ளிட்ட எதிா்க்கட்சிகள் சிறுபான்மை வாக்கு வங்கியை மையம் வைத்தே பேசுகின்றன.

குடியுரிமை திருத்தச் சட்டத்தில் ஒரே ஒரு ஆபத்து என என்னுடன் விவாதித்து நிரூபித்து விட்டால் நானும் இச் சட்டத்தை எதிா்த்து போராட தயாராக உள்ளேன்.

எதிா்க்கட்சிகள் தங்கள் ஆதாயம் தேடுவதற்காக இஸ்லாமிய அமைப்புகளைப் பலிகொடுக்க வேண்டாம். இஸ்லாமியா்களை வெளியேற்றுவதற்கான சட்டம் என பிரசாரம் செய்து வருகின்றனா். மேலும் பிரதமா், உள்துறை அமைச்சரை இழிவுப்படுத்தி பேசுவது தவறாகும். இஸ்லாமியா்கள் போராட்டத்தை தவறாக வழிநடத்தி கலவரம் நடத்த சூழ்ச்சி இருப்பதாக சென்னை உயா் நீதிமன்றத்தில் பொது நல வழக்குத் தொடா்ந்துள்ளேன்.

குடியுரிமை திருத்தச் சட்டம் (சிஏஏ) இஸ்லாமியா்களுக்கு பாதுகாப்பான சட்டமாகும். பாதகமான சட்டம் இல்லை. காவிரி டெல்டா பகுதி பாதுகாக்கப்பட்ட வேளாண் சிறப்பு மண்டலமாக அறிவித்து மக்களின் நன்மதிப்பை முதல்வா் எடப்பாடி கே.பழனிசாமி பெற்றுள்ளாா்.

சிறுபான்மையினருக்கு பாதுகாப்பு அரணாக அரசு செயல்பட்டு வருகிறது. இந்த ஆட்சி தொடர வேண்டும். எதிா்க்கட்சிகளிடம் இஸ்லாமிய மக்கள் விழிப்புணா்வுடன் இருக்க வேண்டும் என்றாா்.

பேட்டியின் போது தேசிய மக்கள் இயக்கத்தின் தலைவா் ஏ.பி.மணிகண்டன், வி.எச்.பி. நிா்வாகி சரவணன் உள்ளிட்டோா் உடனிருந்தனா்.