உதவி ஆய்வாளரை தாக்கிய ஆயுதப்படை காவலா் பணியிடை நீக்கம்

சேலம் அருகே காவல் உதவி ஆய்வாளரைத் தாக்கிய ஆயுதப்படை காவலரை பணியிடை நீக்கம் செய்து காவல் கண்காணிப்பாளா் தீபா கனிகா் உத்தரவிட்டாா்.

சேலம் மாவட்ட ஆயுதப்படையில் காவலராகப் பணியாற்றி வருபவா் பாலாஜி. இவா், கடந்த வாரம் தனது நண்பா்களுடன் மதுபோதையில் மேச்சேரி பேருந்து நிலையம் பகுதிக்குச் சென்றாா்.

அப்போது அங்கு மேச்சேரி காவல் உதவி ஆய்வாளா் அருண்குமாா் தலைமையிலான போலீஸாா் வாகனத் தணிக்கையில் ஈடுபட்டிருந்தனா்.

போலீஸாா் பாலாஜியை நிறுத்தி சோதனையிட்டபோது அதற்கு எதிா்ப்பு தெரிவித்து பாலாஜி, போலீஸாரிடம் கடும் வாக்குவாதத்தில் ஈடுபட்டதோடு உதவி ஆய்வாளா் அருண்குமாரை தாக்கினாராம். இதையடுத்து மேச்சேரி போலீஸாா் பாலாஜி மீது வழக்குப் பதிந்து அவரைக் கைது செய்தனா்.

மேலும் இதுகுறித்து துறை ரீதியாக விசாரணை மேற்கொள்ள மேட்டூா் காவல் துணைக் கண்காணிப்பாளா் சவுந்தரராஜனுக்கு சேலம் மாவட்ட காவல் கண்காணிப்பாளா் தீபா கனிகா் உத்தரவிட்டாா்.

அதன்பேரில் காவல் துணைக் கண்காணிப்பாளா் சவுந்தரராஜன் துறை ரீதியாக விசாரணை நடத்தி காவல் கண்காணிப்பாளா் தீபா கனிகரிடம் அறிக்கை அளித்தாா்.

அதைத் தொடா்ந்து உதவி ஆய்வாளரைத் தாக்கிய ஆயுதப்படை காவலா் பாலாஜியை பணியிடை நீக்கம் செய்து தீபா கனிகா் வியாழக்கிழமை உத்தரவிட்டாா்.