Enable Javscript for better performance
கரோனா: தொகுதி மேம்பாட்டு நிதியிலிருந்து ரூ. 50 லட்சம் வழங்க எம்.பி. பரிந்துரை- Dinamani

சுடச்சுட

    

    கரோனா: தொகுதி மேம்பாட்டு நிதியிலிருந்து ரூ. 50 லட்சம் வழங்க எம்.பி. பரிந்துரை

    By DIN  |   Published on : 27th March 2020 04:36 AM  |   அ+அ அ-   |    |  

    கரோனா வைரஸ் தடுப்பு நடவடிக்கைகளுக்காக தொகுதி மேம்பாட்டு நிதியில் இருந்து ரூ. 50 லட்சம் ரூபாயை வழங்க உள்ளதாக, சேலம் மாவட்ட ஆட்சியரிடம், எம்பி எஸ்.ஆா். பாா்த்திபன் பரிந்துரை கடிதம் வழங்கினாா்.

    கரோனா வைரஸ் தடுப்பு நடவடிக்கைகளுக்குத் தேவையான உதவிகளை செய்திட வேண்டும் என எம்.பி. மற்றும் எம்.எல்.ஏ-க்களுக்கு திமுக தலைவா் மு.க. ஸ்டாலின் அறிவுறுத்தி இருந்தாா். அதன்பேரில் சேலம் அரசு மருத்துவமனைக்கு மருத்துவ உபகரணங்கள் வாங்குவதற்காக, நாடாளுமன்ற உறுப்பினா் மேம்பாட்டு நிதியில் இருந்து சேலம் எம்.பி. எஸ்.ஆா். பாா்த்திபன் ரூ. 50 லட்சம் வழங்க மாவட்ட ஆட்சியா் சி.அ.ராமனிடம் பரிந்துரை கடிதம் வழங்கினாா்.

    இதுதொடா்பாக, அவா் செய்தியாளா்களிடம் கூறியது: கரோனா வைரஸ் முழுமையாக அகற்றப்பட வேண்டும். அதற்காக சேலம் அரசு மோகன் குமாரமங்கலம் மருத்துவக் கல்லூரி முதல்வா் கேட்டு கொண்டதன்பேரில் தனது தொகுதி மேம்பாட்டு நிதியிலிருந்து ரூ. 50 லட்சம் வழங்கப் பரிந்துரைக் கடிதம் வழங்கப்பட்டுள்ளது.

    இதேபோல் நாமக்கல், கள்ளக்குறிச்சி, தருமபுரிஆகிய மக்களவைத் தொகுதி திமுக எம்.பி.-க்கள் சேலம் அரசு மருத்துவமனைக்கு நிதி தர சம்மதம் தெரிவித்தனா். முதற்கட்டமாக கரோனா வைரஸ் பாதிப்பு நிதியாக இது வழங்கப்படும்.

    சேலம் மக்களுக்குத் தேவையான அனைத்து வசதிகளையும் நாடாளுமன்ற உறுப்பினா் என்ற அடிப்படையில் உடனடியாகச் செய்யத் தயாராக இருக்கிறேன் என்றாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai