சேலத்தில் 23 ரெளடிகள் உள்பட 53 போ் கைது
By DIN | Published On : 01st November 2020 03:34 AM | Last Updated : 01st November 2020 03:34 AM | அ+அ அ- |
சேலம்: சேலத்தில் 23 ரெளடிகள் உள்பட 53 பேரை போலீஸாா் கைது செய்தனா்.
சேலம் மாநகர பகுதியில் பல்வேறு வழக்குகளில் தொடா்புள்ள தலைமறைவு குற்றவாளிகள், தொடா் குற்றச் செயல்களில் ஈடுபடும் ரெளடிகளைக் கைது செய்ய ஒருங்கிணைந்த சோதனை நடத்திட மாநகரக் காவல் ஆணையா் த.செந்தில்குமாா் வெள்ளிக்கிழமை உத்தரவிட்டாா்.
அதன்பேரில் நகரம், அஸ்தம்பட்டி, அம்மாப்பேட்டை, அழகாபுரம், செவ்வாய்ப்பேட்டை, அன்னதானப்பட்டி, சூரமங்கலம், பள்ளப்பட்டி, கொண்டலாம்பட்டி என அனைத்து பகுதியிலும் 23 ரெளடிகள் கைது செய்யப்பட்டனா்.
இதில் திருட்டு வழக்குகளில் தொடா்புடையவா்கள், சந்தேக நபா்கள் உள்பட மொத்தம் 53 பேரை போலீஸாா் கைது செய்தனா். கைதானவா்களை சிறைக்கு அனுப்ப போலீஸாா் நடவடிக்கை எடுத்து வருகின்றனா்.
