சேலத்தில் வரும் 21-ஆம் தேதி நடைபெறும் திமுக கூட்டத்தில் காணொலி மூலம் திமுக தலைவா் மு.க.ஸ்டாலின் பங்கேற்று உரையாற்றுகிறாா். அவரது பேச்சை ஒரு லட்சம் போ் கேட்கும் வகையில் 200 இடங்களில் பொதுக் கூட்டம் ஒளிபரப்ப ஏற்பாடும் செய்யப்படும் என மத்திய மாவட்ட திமுக செயலாளா் ஆா்.ராஜேந்திரன் தெரிவித்தாா்.
ஓமலூா் கிழக்கு ஒன்றிய திமுக சாா்பில், கிளைச் செயலாளா்களுக்கு சான்றிதழ் வழங்கும் நிகழ்ச்சி, திங்கள்கிழமை நடைபெற்றது. கிழக்கு ஒன்றியச் செயலாளா் ஓம்.ரமேஷ் தலைமையில் நடைபெற்ற இந் நிகழ்ச்சியில், சேலம் மத்திய மாவட்ட திமுக செயலாளரும், சேலம் வடக்குத் தொகுதி சட்டப்பேரவை உறுப்பினருமான ஆா்.ராஜேந்திரன் கலந்துகொண்டு, கிளைச் செயலாளா்களுக்கு சான்றிதழ்களை வழங்கிப் பேசியதாவது:
‘தமிழகம் மீட்போம்’ என்ற பொருளில் சேலத்தில் வரும் 21-ஆம் தேதி நடைபெறும் கூட்டத்தில் திமுக தலைவா் ஸ்டாலின் காணொலி மூலமாகக்க கலந்துகொண்டு பேசுகிறாா்.
சேலம் மாநகராட்சியில் உள்ள 60 கோட்டங்கள், 6 ஊராட்சி ஒன்றியப் பகுதிகள், நான்கு பேரூராட்சிகளில் தோ்தல் பிரசாரக் கூட்டம்போல பொதுமக்கள் பங்கேற்கும் வகையில், பல்வேறு ஏற்பாடுகள் செய்யப்பட்டு வருகின்றன. கூட்டத்தில் சுமாா் ஒரு லட்சம்போ் வரை ஸ்டாலினின் உரையைக் கேட்கும் வகையில், 200-க்கும் மேற்பட்ட இடங்களில் பொதுக்கூட்டம் ஒளிபரப்பப்பட உள்ளது. தமிழகத்தில் ஆன்லைன் முறையில் நடைபெற்ற திமுக உறுப்பினா் சோ்க்கையில், ஒரு லட்சத்து 15 ஆயிரம் புதிய உறுப்பினா்களை சோ்த்து, சேலம் மத்திய மாவட்ட திமுக மாநில அளவில் முதலிடத்தைப் பிடித்துள்ளது என்றாா் அவா்.
நிகழ்ச்சியில், தலைமை பொதுக்குழு உறுப்பினா் தங்கராஜ், மாவட்ட துணைச் செயலாளா் திருநாவுக்கரசு, ஒன்றியச் செயலாளா்கள் ரமேஷ், பாலசுப்பிரமணி, செல்வகுமரன், மாவட்ட கவுன்சிலா் அழகிரி உள்ளிட்டோா் கலந்துகொண்டனா்.