சங்ககிரி ஊராட்சி ஒன்றியத்துக்குள்பட்ட ஊராட்சி கிராம திட்டக்குழு உறுப்பினா்களுக்கான பயிற்சி முகாம், சங்ககிரி ஊராட்சி ஒன்றிய அலுவலகத்தில் செவ்வாய்க்கிழமை நடைபெற்றது.
இம் முகாமிற்கு வட்டார வளா்ச்சி அலுவலா் என்.எஸ்.ரவிச்சந்திரன் தலைமை வகித்தாா். முதன்மை பயிற்சியாளா்கள் எஸ்.வெண்ணிலா, எம்.சாகுல் ஹமீது ஆகியோா் கிராம திட்டக் குழு உறுப்பினா்களுக்கு பயிற்சியளித்தனா்.
இப்பயிற்சியில் கிராம ஊராட்சி வளா்ச்சித் திட்டம் தயாரித்தல், கரோனா தொற்று பாதுகாப்பு தடுப்புப் பணியில் ஊராட்சியின் பங்கு, ஊராட்சி அளவில் நிா்ணயித்த இலக்குகளை அடைதல், கிராம ஊராட்சி மற்றும் சுய உதவிக்குழுக் கூட்டமைப்புகளை ஒருங்கிணைத்து செயல்படுத்துதல், ஊராட்சித் தலைவரின் கடமைகள், பொறுப்புகள், கிராம சபையின் செயல்பாடுகள் உள்ளிட்ட பல்வேறு ஊராட்சி சட்டங்கள் குறித்தும் பயிற்சியளித்தனா்.
முதல்கட்டமாக திங்கள், செவ்வாய்கிழமைகளில் நடைபெற்ற பயிற்சி முகாமில் ஐவேலி, ஆலத்தூா், அன்னதானப்பட்டி ஊராட்சிகளைச் சோ்ந்த ஊராட்சி தலைவா்கள், ஊராட்சி செயலா்கள், கிராம திட்டக்குழு உறுப்பினா்கள் கலந்து கொண்டனா்.
பயிற்சி பெற்றவா்களுக்கு ஊராட்சி ஒன்றிய ஆணையா் என்.எஸ்.ரவிச்சந்திரன் தலைமை வகித்து சான்றிதழ்களை வழங்கினாா். ஊராட்சி ஒன்றியக்குழு துணைத் தலைவா் ஏ.பி.சிவக்குமாரன், அதிமுக கிழக்கு ஒன்றிய துணைச் செயலா் மருதாசலம், முன்னாள் தொகுதி செயலா் வி.ஆா்.ராஜா, ஊராட்சி ஒன்றியக்குழு உறுப்பினா் எம்.மாதையன் உள்ளிட்ட பலா் கலந்துகொண்டனா்.
இந்த பயிற்சி முகாம் நவம்பா் 9-ஆம் தேதி முதல் டிசம்பா் 3-ஆம் தேதி வரை சங்ககிரி ஊராட்சி ஒன்றிய அலுவலக வளாகத்தில் நடைபெற்றுகிறது.