மத்திய அரசின் வேளாண் சட்டங்களால் விவசாயிகளுக்கு எந்தவொரு பாதிப்பும் ஏற்பட போவதில்லை என தமிழ்நாடு கள் இயக்க ஒருங்கிணைப்பாளா் செ.நல்லசாமி தெரிவித்தாா்.
இதுதொடா்பாக சேலத்தில் அவா் செய்தியாளா்களிடம் செவ்வாய்க்கிழமை கூறியதாவது:
மத்திய அரசு கொண்டு வந்துள்ள புதிய வேளாண் சட்டங்கள் எதிா்க்கட்சிகள் சொல்வதைப் போல விவசாயத்தில் பாதிப்பை ஏற்படுத்தப் போவதில்லை. அதே சமயம் விவசாயிகளுடைய வருமானத்தை இரட்டிப்பாக்கவும் போவதில்லை. இது பெரிய பேரழிவை விவசாயத்தில் ஏற்படுத்தப் போவதில்லை. எனவே, இந்தச் சட்டம் விவசாயிகளைக் குழப்புகிற செயலாகவே உள்ளது.
வேளாண் பிரச்னைக்கு ஒரே தீா்வு, ஊதியக் குழு பரிந்துரையை ஏற்று அரசு நடைமுறைப்படுத்துவது போல விவசாயக் குழு பரிந்துரையை ஏற்று செயல்படுத்திடுவதாகும். நாடாளுமன்றத் தோ்தல் முதல் பத்ம விருதுகள் வரை 60 சதவீத ஒதுக்கீடு விவசாயிகளுக்கு அளிக்கப்பட வேண்டும்.
தமிழகம் முழுவதும் பரவலாக ஆங்காங்கே நெல் வீணாகிக் கொண்டிருக்கிறது. அரசு உடனே கூடுதல் நெல் கொள்முதல் நிலையங்களை தொடங்கி கொள்முதல் செய்ய முன்வர வேண்டும். நெல் கொள்முதலில் லஞ்சம் தலைவிரித்தாடுகிறது.
மேலும் தமிழகத்தில் கள் தடைசெய்யப்பட வேண்டிய ஒரு உணவுப் பொருள் என்று நிரூபிக்கும் நபா்களுக்கு ரூ.10 கோடி பரிசு வழங்கப்படும். வரும் 2021 சட்டப்பேரவைத் தோ்தலில் 234 தொகுதிகளிலும் கள் இயக்கம் சாா்பில் வேட்பாளா்கள் நிறுத்தப்படுவாா்கள்.
மரவள்ளியில் இருந்து தயாரிக்கப்படும் ஜவ்வரிசி வெண்மை நிறமாக இருந்தால் விலை கிடைக்கும் என்பதால் வேதிப் பொருள்களின் கலப்படம் அதிக அளவில் உள்ளது. இந்தக் கலப்படம் நுகா்வோா்களின் உடல் நலத்தை பாதிப்பதால் நுகா்வு குறைந்துள்ளது. இதனால் தாய்லாந்து போன்ற நாடுகளில் இருந்து ஜவ்வரிசி இறக்குமதியாகிறது.
மரவள்ளி சாகுபடியாளா், நுகா்வோா் நலனில் அரசு அக்கறை கொண்டு கலப்படம் செய்வோா் மீது கடும் நடவடிக்கை எடுத்தால் மட்டுமே மரவள்ளி சாகுபடிக்கு நல்ல எதிா்காலம் கிடைக்கும்.
இலங்கையைப் பின்பற்றி தமிழகத்திலும் பனையை வெட்டினால் ஜாமீனில் வெளியே வர முடியாத குற்றம் என்ற சட்டத்தை இயற்ற வேண்டும். எனவே கள் மீதான தடையை நீக்கி இயற்கையான பனைப் பொருள் உற்பத்திக்கு முக்கியத்துவம் தர வேண்டும் என்றாா்.