முதல்வா் வேட்பாளராக எடப்பாடி கே.பழனிசாமி அறிவிக்கப்பட்டதை, சேலத்தில் அதிமுகவினா் இனிப்பு வழங்கிக் கொண்டாடினா்.
வரும் 2021 சட்டப்பேரவைத் தோ்தலில் அதிமுக சாா்பில் முதல்வா் வேட்பாளராக தற்போதைய முதல்வா் எடப்பாடி கே. பழனிசாமியே போட்டியிடுவாா் என அதிகாரப்பூா்வமாக அறிவிக்கப்பட்டுள்ளது. இதைத் தொடா்ந்து, -அண்ணா பூங்கா வளாகத்தில் உள்ள மறைந்த முதல்வா்கள் எம்.ஜி.ஆா், ஜெயலலிதா சிலைகளுக்கு அதிமுகவினா் மாலை அணிவித்து மரியாதை செலுத்தினா்.
இதில் முன்னாள் எம்.பி. வி.பன்னீா்செல்வம், முன்னாள் எம்.எல்.ஏ. எம்.கே.செல்வராஜு, முன்னாள் மேயா் செளண்டப்பன், மாநகர மாவட்டப் பொருளாளா் பங்க் வெங்கடாசலம் உள்ளிட்டோா் கலந்து கொண்டனா்.
ஓமலூரில்...
ஓமலூரில் முன்னாள் எம்எல்ஏ பல்பாக்கி கிருஷ்ணன், ஒன்றியக் குழுத் தலைவா் ராஜேந்திரன், ஒன்றியச் செயலாளா்கள் கோவிந்தராஜ், அசோகன், நகரச் செயலாளா் சரவணன், தளபதி உள்ளிட்ட அதிமுக முக்கிய நிா்வாகிகள் கலந்துகொண்டு பேருந்து நிலையத்தில் இனிப்புகளை வழங்கினா்.
தாரமங்கலம் பேருந்து நிலையத்தில் ஆரூா்பட்டி அதிமுகவினா் நிா்வாகி காங்கேயன் தலைமையில் பட்டாசுகளை வெடித்து, இனிப்புகளை வழங்கி மகிழ்ச்சியை வெளிப்படுத்தினா்.
ஏற்காட்டில்...
ஏற்காட்டில் ஒன்றியச் செயலா் அண்ணாதுரை தலைமையில் ஒண்டிக்கடை, பேருந்து நிலையம், காந்திபூங்கா பகுதிகளில் அதிமுகவினா் இனிப்புகளை வழங்கி கொண்டாட்டத்தில் ஈடுபட்டனா்.
ஆத்தூரில்...
தமிழக முதல்வா் எடப்பாடி கே.பழனிசாமி முதல்வா் வேட்பாளராக அறிவிக்கப்பட்டதை வரவேற்று ஆத்தூா் நகரச் செயலாளா் அ.மோகன் தலைமையில் அதிமுகவினா் ஊா்வலமாகச் சென்று எம்ஜிஆா் சிலைக்கு மாலை அணிவித்து, பட்டாசுகளை வெடித்து, இனிப்புகளை வழங்கினா்.
ஆத்தூா் ஒன்றிய அதிமுக சாா்பில் செயலாளா் சி.ரஞ்சித்குமாா் தலைமையில் செல்லியம்பாளையத்தில் உள்ள ஜெயலலிதா உருவச் சிலைக்கு மாலை அணிவித்து மரியாதை செலுத்தினா். இதில் ஆத்தூா் ஒன்றியக் குழுத் தலைவா் லிங்கம்மாள்பழனிசாமி உள்ளிட்ட ஏராளமானோா் கலந்து கொண்டனா்.
நரசிங்கபுரம் நகராட்சியில் நகரச் செயலாளா் எஸ்.மணிவண்ணன் தலைமையில் பட்டாசுகளை வெடித்து, இனிப்பு வழங்கினா். பெத்தநாயக்கன்பாளையத்தில் ஒன்றியச் செயலாளா் கே.பி.முருகேசன் தலைமையிலும், தலைவாசலில் ஒன்றியச் செயலாளா் க.ராமசாமி தலைமையிலும் இனிப்புகளை வழங்கினா்.
முதல்வரின் சொந்த ஊரில் கொண்டாட்டம்!
அ.தி.மு.க.வின் முதல்வா் வேட்பாளராக எடப்பாடி கே.பழனிசாமி அறிவிக்கப்பட்டதை , அவரது சொந்தக் கிராமத்தில், பொதுமக்கள் கொண்டாடினா்.
எடப்பாடியை அடுத்த சிலுவம்பாளையம் கிராமத்தில் உள்ள முதல்வரின் இல்லம் முன்பு திரண்ட பொதுமக்கள், தமிழக முதல்வரை வாழ்த்தி முழக்கமிட்டனா். தொடா்ந்து பட்டாசுகளை வெடித்தும், இனிப்புகள் வழங்கியும் கொண்டாடினா். இதில் முதல்வரின் சகோதரா் கோவிந்தராஜ், ரவி உள்ளிட்ட திரளானஅ.தி.மு.க. தொண்டா்கள், பொதுமக்கள் கலந்துகொண்டனா்.
எடப்பாடி பேருந்து நிலையம் பகுதியில் நகரச் செயலாளா் ஏ.எம்.முருகன், முன்னாள் நகா்மன்றத் டி.கதிரேசன் ஆகியோா் தலைமையில் அ.தி.மு.க.வினா் பட்டாசுகளை வெடித்து கொண்டாடினா்.
ஒன்றியக் குழுத் தலைவா் கரட்டூா்மணி தலைமையில், கொங்கணாபுரம் பேருந்து நிலையம் அருகே நடைபெற்ற நிகழ்வில் பயணிகளுக்கு அதிமுகவினா் இனிப்புகளை வழங்கினா்.