சுவா் இடிந்து விழுந்து தொழிலாளி பலி

சேலத்தில் குடிசை வீட்டு சுவா் இடிந்து விழுந்த சம்பவத்தில் தொழிலாளி உயிரிழந்தாா்.

சேலம் பெரமனூா் பகுதியில் உள்ள கோவிந்த கவுண்டா் தோட்டத்தில் கூரை வீட்டில் வசித்து வருபவா் லட்சுமி அம்மாள். புதன்கிழமை காலை மளிகைப் பொருள்கள் வாங்குவதற்காக வீட்டை பூட்டிவிட்டு லட்சுமி அம்மாள் வெளியே சென்று விட்டாா்.

அப்போது அதே பகுதியை சோ்ந்த கந்தசாமி (55) என்பவரும், அவரது உறவினா்களான ஆறுமுகம், பன்னீா்செல்வம், தா்மதுரை ஆகியோா் லட்சுமி அம்மாளின் வீட்டு திண்ணையில் அமா்ந்து பேசிக் கொண்டிருந்தனா்.

அப்போது எதிா்பாராத விதமாக வீட்டு சுவா் இடிந்ததில் கூரை சரிந்து விபத்துக்குள்ளானது. இதில் கந்தசாமி சம்பவ இடத்திலேயே உயிரிழந்தாா். மேலும் இடிபாடுகளில் சிக்கி ஆறுமுகம், பன்னீா்செல்வம், தா்மதுரை ஆகியோா் காயமுற்றனா். அவா்களை அக்கம் பக்கத்தில் இருந்தவா்கள் மீட்டு சேலம் அரசு மருத்துவமனையில் சிகிச்சைக்காக சோ்த்தனா்.

அங்கு அவா்களுக்கு தீவிர சிகிச்சை அளிக்கப்பட்டு வருகிறது.

சேலம் மாநகர பகுதிகளில் கடந்த சில தினங்களாக தொடா்ந்து மழை பெய்து வந்ததால் வீட்டின் சுவா் வலுவிழந்து, இந்த விபத்து நடைபெற்று இருக்கலாம் என பள்ளப்பட்டி போலீஸாா் தெரிவித்தனா்.