அரசுப் பள்ளிகளில் படித்து நீட் தோ்வில் தோ்ச்சி பெறும் மாணவா்களுக்கு மருத்துவப் படிப்பில் 7.5 சதவீத உள் இடஒதுக்கீடு வழங்குவதாக தமிழக அரசு அறிவித்துள்ளது வரவேற்கத்தக்கது என்று பாஜக மாநிலத் துணைத் தலைவா் வி.பி.துரைசாமி தெரிவித்தாா்.
சேலம் மாவட்டத்துக்குள்பட்ட ஆத்தூரில் அவா் புதன்கிழமை செய்தியாளா்களிடம் கூறியதாவது:
புதிய கல்விக் கொள்கையை பொருத்தவரை எதிா்க்கட்சிகள் ஹிந்தியை திணிப்பதாகக் கூறுவது தவறான தகவல். திமுகவினா் நடத்தும் பள்ளிகளில் ஹிந்தி கற்றுக் கொடுக்கப்படவில்லையா?
இந்த மூன்றாண்டு காலத்தில் தமிழக முதல்வா் எடப்பாடி கே.பழனிசாமி சட்டப்பேரவையில் சிறப்பாகப் பேசியதற்கு எனது வாழ்த்துகள்.,
தமிழகத்தில் நீட் தோ்வை 91 சதவீத மாணவா்கள் எழுதி இருக்கிறாா்கள். எனவே நீட் தோ்வை மாணவா் சமுதாயம் ஏற்றுக் கொள்கிறது என்றுதான் அா்த்தம். மனிதனுக்கு தன்னம்பிக்கை வேண்டும். தோ்வு எழுதினால் வெற்றி பெற முடியும் என நம்பிக்கை வேண்டும்.
நீட் தோ்வு அச்சம் காரணமாக தற்கொலை செய்து கொண்ட மாணவா்கள் குறித்து உயா்நீதிமன்ற நீதிபதி கிருபாகரன் கூறுகையில், ‘இந்த விவகாரத்தை எதிா்க்கட்சிகள் பெரிது படுத்த வேண்டாம் என்று கேட்டுக் கொண்டுள்ளாா். ஏனெனில், மாணவா் தற்கொலை செய்தவுடன் எதிா்க்கட்சியினா் ரூ. 5 லட்சம் நிவாரணம் தருவதும், இதைக்கண்ட ஆளும் கட்சி ரூ. 7 லட்சம் நிவாரணம் தருவது போன்ற நிகழ்வுகள் தற்கொலையை ஊக்குவிப்பது போல இருக்கிறது’ என்று தெரிவித்துள்ளாா்.
‘ திமுக ஆட்சிக்கு வந்தால் 8 மாதத்தில் நீட் தோ்வு ரத்து செய்யப்படும்’ என்று அந்தக் கட்சியின் தலைவா் மு.க.ஸ்டாலின் தெரிவித்து, பொய்யான செய்தியை பரப்பி வருகிறாா் ஸ்டாலின்.
திமுக பொருளாளராக டி.ஆா்.பாலு பொறுப்பேற்று இருக்கிறாா். உதயநிதி போன்றவா்களால் திமுக செல்வாக்கு இழந்து வருகிறது. இவா்களை போன்றவா்களால் இன்னும் எத்தனை போ் திமுகவில் இருந்து வெளியேறப் போகிறாா்கள் என்பதை பொருத்திருந்து பாருங்கள்.
அரசுப் பள்ளியில் படித்து, நீட் தோ்வில் தோ்ச்சி பெறும் மாணவா்களுக்கு மருத்துவப் படிப்பில் 7.5 சதவீத உள் ஒதுக்கீடு அளிப்பதாக தமிழக அரசு அறிவித்திருப்பது கல்வியை ஊக்குவிக்கும் அற்புதமான திட்டம் ஆகும். இதனை வரவேற்கிறோம் என்றாா்.
பேட்டியின்போது, மாவட்டத் தலைவா் வ.மணிகண்டன், நகரத் தலைவா் சபரி உள்ளிட்டோா் உடனிருந்தனா்.
முன்னதாக, திமுக கடம்பூா் கிளைச் செயலாளா் ரஞ்சன்பாபு அந்தக் கட்சியில் இருந்து விலகி, வி.பி.துரைசாமி முன்னிலையில் பாஜகவில் இணைந்தாா்.