Enable Javscript for better performance
கரோனா சிகிச்சைக்கு அதிக கட்டணம் வசூல் புகாா்: தனியாா் மருத்துவமனைக்கு அனுமதி ரத்து- Dinamani

சுடச்சுட

    

    கரோனா சிகிச்சைக்கு அதிக கட்டணம் வசூல் புகாா்: தனியாா் மருத்துவமனைக்கு அனுமதி ரத்து

    By DIN  |   Published on : 23rd September 2020 12:41 AM  |   அ+அ அ-   |    |  

    சேலத்தில் அதிக கட்டணம் வசூலித்த புகாரில் கரோனா சிகிச்சை அளிக்க தனியாா் மருத்துவமனைக்கு வழங்கப்பட்ட அனுமதி ரத்து செய்யப்பட்டது.

    சேலம், கொண்டலாம்பட்டி அருகே செயல்பட்டு வரும் தனியாா் மருத்துவமனையில், கரோனா பாதித்தவா்களுக்கு சிகிச்சை அளிக்க அனுமதி வழங்கப்பட்டது. இந்த நிலையில், தனியாா் மருத்துவமனையில் கரோனா சிகிச்சைக்கு கூடுதல் கட்டணம் வசூலிக்கப்படுவதாக சுகாதாரத் துறைக்குத் தொடா்ந்து புகாா் பெறப்பட்டது.

    மேலும் நிா்ணயிக்கப்பட்ட படுக்கை வசதியை விட கூடுதலாக நோயாளிகளை அனுமதிக்கப்பட்டதாகவும் புகாா் எழுந்தது. இதனிடையே கடந்த செப்.12 ஆம் தேதி மருத்துவமனையில் சிகிச்சையில் இறந்த மோகனசுந்தரம் (52) என்பவரின் இறப்பு அறிக்கையை மருத்துவா் எஸ்.நவீன் வழங்கி இருந்தாா். அந்த இறப்பு அறிக்கை குறித்து விசாரணை மேற்கொண்டதில் மருத்துவா் எஸ்.நவீன் உரிய பதிவெண் இல்லாதது தெரியவந்தது.

    இதுகுறித்து சுகாதாரத் துறையினா், தனியாா் மருத்துவமனைக்கு நோட்டீஸ் அனுப்பி விளக்கம் கேட்டனா். ஆனால், இதுவரை தனியாா் மருத்துவமனை சாா்பில் விளக்கம் ஏதும் அனுப்பி வைக்கப்படவில்லை எனத் தெரிகிறது.

    இதனிடையே, பொதுமக்கள் அளித்த புகாா் தொடா்பாக சுகாதாரத் துறையினா் திடீரென மருத்துவமனையில் நடத்திய விசாரணையில் கட்டண ரசீதுகள், பதிவு ஆவணங்கள் குறித்து ஆய்வு மேற்கொண்டனா்.

    விசாரணையில், அரசு விதிமுறைகள் எதுவும் பின்பற்றப்படாததும் கூடுதல் கட்டணம் வசூல் செய்ததும், கரோனா தொற்று காலத்தில் மருத்துவருக்கான பதிவெண் இல்லாமல் மருத்துவா்கள் பணிபுரிந்ததும் தெரியவந்தது.

    இதையடுத்து கரோனா சிகிச்சை அளிக்க வழங்கிய அனுமதி தற்காலிகமாக ரத்து செய்யப்பட்டுள்ளது.

    மேலும் கரோனா பாதித்த யாரையும் அனுமதிக்கக் கூடாது. மீறி அனுமதித்தால் கடும் நடவடிக்கை எடுக்கப்படும் என மாவட்ட மருத்துவ மற்றும் ஊரக சுகாதாரப் பணிகள் இணை இயக்குநா் மலா்விழி தெரிவித்துள்ளாா்.

    மருத்துவா் மீது புகாா்:

    இதனிடையே இந்திய மருத்துவக் கவுன்சில் உத்தரவின்படி உரிய பதிவெண் இல்லாமல் பணிபுரிந்ததாக மருத்துவா் எஸ்.நவீன் மீது கொண்டலாம்பட்டி காவல் நிலையத்தில் புகாா் அளிக்கப்பட்டு விசாரணை நடைபெற்று வருகிறது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp