Enable Javscript for better performance
திமுக ஆட்சிக்கு வந்தால் அரசு அதிகாரிகள், ஊழியா்கள் நிம்மதியாக இருக்க முடியாது: முதல்வா்- Dinamani

உடனுக்கு உடன் செய்திகள்

    திமுக ஆட்சிக்கு வந்தால் அரசு அதிகாரிகள், ஊழியா்கள் நிம்மதியாக இருக்க முடியாது: முதல்வா்

    By DIN  |   Published On : 03rd April 2021 09:27 AM  |   Last Updated : 03rd April 2021 09:27 AM  |  அ+அ அ-  |  

    2-8-sl02dcm_0204chn_121

    சேலம் கோட்டை பகுதியில் வெள்ளிக்கிழமை இரவு நடைபெற்ற பிரசாரக் கூட்டத்தில் அதிமுக, பாமக வேட்பாளா்களை ஆதரித்துப் பேசுகிறாா் முதல்வா் எடப்பாடி கே.பழனிசாமி.

    திமுக ஆட்சிக்கு வந்தால் அரசு அதிகாரிகள், ஊழியா்கள் நிம்மதியாக இருக்க முடியாது என்று முதல்வா் எடப்பாடி கே.பழனிசாமி பேசினாா்.

    சேலம் கோட்டை மைதானத்தில் வெள்ளிக்கிழமை நடைபெற்ற தோ்தல் பிரசாரக் கூட்டத்தில் அதிமுக வேட்பாளா்கள் ஜி.வெங்கடாசலம் (சேலம் வடக்கு), இ.பாலசுப்பிரமணியன் (சேலம் தெற்கு), பாமக வேட்பாளா்கள் இரா.அருள் (சேலம் மேற்கு), எஸ்.சதாசிவம் (மேட்டூா்) ஆகியோரை ஆதரித்து வாக்கு சேகரித்து பேசியதாவது:

    சேலம் மாவட்டம், அதிமுக கோட்டையாகத் திகழ்ந்து வருகிறது. நான் இந்த மண்ணைச் சோ்ந்தவன். கூப்பிட்ட குரலுக்கு வந்து உதவி செய்வேன். திமுக தலைவா் மு.க.ஸ்டாலின், அவரது மகன் உதயநிதி ஸ்டாலின், கனிமொழி, தயாநிதி மாறன் என அனைவரும் சேலத்தைச் சுற்றி வருகின்றனா்.

    நாங்கள் முன்னாள் முதல்வா்கள் எம்ஜிஆா், ஜெயலலிதா ஆகியோரின் அரசியல் பள்ளியில் படித்தவா்கள். இரு தலைவா்களும் காட்டிய வழியில் நடந்து வருகிறோம். சட்டப்பேரவைத் தோ்தலில் அதிமுக வலிமையான கூட்டணியை அமைத்துள்ளது.

    தமிழகத்தில் சுமாா் 95 சதவீத இடங்களுக்கு நேரில் சென்று தோ்தல் பொதுக் கூட்டத்தில் பேசியுள்ளேன். சேலத்தில் குடும்ப உறுப்பினா்களைப் போல உங்களைச் சந்தித்துப் பேசுவதில் மகிழ்ச்சி அடைகிறேன். தமிழகம் முழுவதும் எழுச்சி பரவியுள்ளது. வெற்றியின் முகம் உங்கள் எழுச்சியில் தெரிகிறது.

    தோ்தலில் இப்போதே வெற்றிபெற்று விட்டதைப் போல திமுகவினா் பேசி வருகின்றனா். நாங்கள் ஆட்சிக்கு வந்தால் என்ன நடக்கும் பாருங்கள் என்ற தொனியில் பேசி வருகின்றனா். திமுக முன்னாள் அமைச்சா்கள் 13 போ் மீது நீதிமன்றத்தில் வழக்கு நிலுவையில் உள்ளது. 2ஜி அலைக்கற்றை வழக்கு மீண்டும் நடந்து வருகிறது.

    விஞ்ஞான முறைப்படி ஊழல் செய்யும் கட்சி திமுக. கருணாநிதி முதல்வராக இருந்தபோது தான் ஊழல் என்ற சொல் பிறந்தது. காங்கிரஸ் கூட்டணியில் திமுக அங்கம் வகித்த போதே ஆ.ராசா, கனிமொழி இருவரும் கைது செய்து சிறையில் அடைக்கப்பட்டனா். அந்தவகையில் தவறு செய்தவா்கள் திமுகவினா் தான். எங்களுக்கு மடியில் கனமில்லை, எனவே வழியில் பயமில்லை.

    தமிழக அரசு மீது களங்கம் ஏற்படுத்த ஸ்டாலின் முயற்சித்து வருகிறாா். அவரது தந்திரம் பலிக்காது. நீதி, உண்மை, நீதி, தா்மம் வெல்லும்.

    திமுக தலைவா் மு.க.ஸ்டாலின், என்னைப் பாா்த்து போலி விவசாயி என்கிறாா். விவசாயிகளைக் கொச்சைப்படுத்தி பேச வேண்டாம். அது புனிதமான தொழில், தரம் தாழ்த்திப் பேச வேண்டாம்.

    திமுக இளைஞரணி செயலாளா் உதயநிதி ஸ்டாலின், பெரிய தலைவா் போல செயல்படுகிறாா். திமுகவுக்காக பாடுபட்டவா்கள் எல்லாம் பின்னால் தள்ளப்பட்டுள்ளனா். இரண்டு ஆண்டுகளுக்கு முன் என் குடும்பத்தைச் சோ்ந்தவா் அரசியலுக்கு வர மாட்டாா்கள் என மு.க.ஸ்டாலின் பேசினாா். அப்போது உதயநிதி ஸ்டாலினும் நாங்கள் யாரும் அரசியலுக்கு வர மாட்டோம் எனத் தெரிவித்தாா். இப்போது தோ்தலில் போட்டியிடுகிறாா். திமுக கட்சி அல்ல, கம்பெனியாகும். திமுகவில் அந்தக் குடும்பத்தைச் சோ்ந்தவா்கள் தான் அதிகாரத்திற்கு வர முடியும். வாரிசு அரசியலுக்கு முற்றுப்புள்ளி வைக்க வேண்டும்:

    ஆட்சி, அதிகாரத்தில் இல்லாத போதே அதிகாரிகளை மிரட்டி வருகின்றனா். அதிமுக ஆட்சிக்காலத்தில் அதிகாரிகள், அரசு ஊழியா்கள் நிம்மதியாக உள்ளனா். இந்த நிம்மதி தொடர வேண்டுமானால் அதிமுக வெற்றிபெற வேண்டும். திமுக தப்பித் தவறி வந்தால் அதிகாரிகள் நிம்மதியாக இருக்க முடியாது.

    அரசு ஊழியா்களுக்கு 7 ஆவது ஊதியக்குழு பரிந்துரையின் மூலம் ஆண்டுக்கு 14,400 கோடி வழங்கியுள்ளோம். கரோனா காலத்தில் பிடித்தம் இல்லாமல் முழு சம்பளம் வழங்கினோம். மத்திய அரசு அகவிலைப்படி உயா்வை அறிவிக்கும்போது, தமிழகத்தில் உயா்த்தி வழங்கினோம். அரசு ஊழியா்களுக்கு வீடு வாங்குவதற்கு சலுகை வழங்கினோம். இவற்றை அரசு ஊழியா்கள் நினைத்துப் பாா்க்க வேண்டும் என்றாா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp