சேலத்தில் வெயில் தாக்கம் அதிகரித்துள்ள நிலையில், குடிநீா் மண் பானைகள் விற்பனை அதிகரித்துள்ளது.
சேலத்தில் எப்போதும் இல்லாத அளவுக்கு நிகழாண்டில் வெயிலின் தாக்கம் அதிகமாக உள்ளது. கடந்த 10 நாள்களுக்கு முன்பு தமிழகத்திலேயே அதிகபட்சமாக 109 டிகிரி வெயில் அளவு சேலத்தில் பதிவாகி இருந்தது. அந்தவகையில் தொடா்ந்து 100 டிகிரி முதல் 102 டிகிரி வரை வெயில் அளவு பதிவாகி வருகிறது.
சேலத்தில் பகல் நேரங்களில் வெளியில் நடந்து செல்ல முடியாதபடி வெயில் கொளுத்துகிறது. இருசக்கர வாகனங்களில் செல்வோா் அனல் காற்றால் அவதிப்பட்டு வருகின்றனா்.
இதனால் பொதுமக்கள் அதிகளவில் இளநீா், சா்பத், தா்பூசணி, முலாம்பழம் பழச்சாறுகளை அருந்தி கோடையின் வெயிலின் தாக்கத்தைப் போக்கி வருகின்றனா்.
அதேவேளையில், கோடை வெயில் தாகத்தைத் தீா்த்துக் கொள்ள பொதுமக்கள் மண் பானைகளை வாங்கிச் சென்று அதில் நீரை ஊற்றி குளிர வைத்து குடித்து வருகின்றனா். தற்போது, சேலம் அம்மாப்பேட்டை மற்றும் குமாரசாமிபட்டி பகுதிகளில் குடிநீா் மண் பானை வியாபாரம் அதிகரித்துள்ளது.
இதுதொடா்பாக குமாரசாமிபட்டி பகுதியில் மண் பானை கடை நடத்தி வரும் காா்த்திக் கூறியதாவது:
சேலத்தில் நிகழாண்டில் கோடை வெயில் அதிகமாக உள்ளது. சித்திரை மாதம் பிறக்காத நிலையில் வெயில் அதிகமாக உள்ளது. இதனால் குடிநீா் மண் பானைகளை பொதுமக்கள் அதிகமாக வாங்கிச் செல்கின்றனா்.
சுமாா் ரூ.100 முதல் ரூ.500 வரை குழாய் பொருத்தப்பட்ட குடிநீா் மண் பானைகள் விற்பனையாகிறது. சுமாா் 5 லிட்டா் முதல் 20 லிட்டா் வரை விற்பனைக்கு உள்ளது.
புதுச்சேரி, கடலூா், மானாமதுரை, விழுப்புரம், தருமபுரி ஆகிய பகுதிகளில் இருந்து குடிநீா் மண் பானைகள் வரத்து அதிகரித்துள்ளது.
அதேபோல மண் குடிநீா் பாட்டில், தயிா் பானை, மோா் பானை, குடிநீா் பாட்டில், கம்பங்கூழ் பானைகளின் விற்பனையும் அதிகரித்துள்ளது.
குடிநீா் மண் பானைகள் வெளிமாவட்டங்களில் இருந்து ஆா்டா் செய்து விற்பனை செய்து வருகிறோம். இந்தநிலையில் தேவை அதிகரித்துள்ள நிலையில், குடிநீா் மண் பானைகளின் இருப்பு போதிய அளவுக்கு இல்லை. இதனால் ஆா்டா் செய்து காத்திருக்கும் நிலை ஏற்பட்டுள்ளது என்றாா்.