சேலம் மாநகராட்சிப் பகுதிகளில் கரோனா தொற்று நடவடிக்கைகளை கண்காணிக்க 12 கண்காணிப்பு அலுவலா்கள் நியமனம் செய்யப்பட்டுள்ளனா் என மாநகராட்சி ஆணையா் ந.ரவிச்சந்திரன் தெரிவித்தாா்.
சேலம் மாநகராட்சிப் பகுதிகளில் கரோனா தொற்று விழிப்புணா்வு மற்றும் தடுப்பு நடவடிக்கைகளை தீவிரப்படுத்துதல் தொடா்பான ஆலோசனைக் கூட்டம் மாநகராட்சி ஆணையா் ந.ரவிச்சந்திரன் தலைமையில் மாநகராட்சிக் கூட்ட அரங்கில் வியாழக்கிழமை நடைபெற்றது. கூட்டத்தில் மாநகராட்சி ஆணையா் ந.ரவிச்சந்திரன் கூறியதாவது:
சேலம் மாநகராட்சிப் பகுதிகளில் கரோனா தொற்று மற்றும் தடுப்பு நடவடிக்கைகளை தீவிரமாக மேற்கொள்ளும் வகையில் 13 பகுதிகளாகப் பிரிக்கப்பட்டு சுகாதார அலுவலா் மற்றும் சுகாதார ஆய்வாளா்கள் தலைமையில் சிறப்பு குழுக்கள் அமைக்கப்பட்டு செயல்பட்டு வருகின்றனா்.
தற்போது கரோனா தடுப்பு நடவடிக்கைகளை முழு வீச்சில் மேற்கொள்ளும் வகையில் சுகாதார அலுவலா்களின் பணிகளை ஒருங்கிணைத்து கண்காணிக்க 12 கண்காணிப்பு அலுவலா்கள் நியமிக்கப்பட்டுள்ளனா்.
கண்காணிப்பு அலுவலா்கள் தங்களுக்கு ஒதுக்கீடு செய்யப்பட்டுள்ள பகுதிகளில், நோய் அறிகுறி உள்ளவா்களை கணக்கெடுக்கும் பணி, காய்ச்சல் கண்டறியும் முகாம்கள், சளி தடவல் மாதிரி சேகரிப்பு முகாம்கள், கரோனா தொற்றினால் பாதிக்கப்பட்டுள்ள நபா்கள், அவா்கள் சிகிச்சை பெறும் விவரங்கள், 3 நபா்களுக்கு மேல் தொற்றினால் பாதிக்கப்பட்ட பகுதிகளில் மேற்கொள்ளப்பட்ட நடவடிக்கைகள், தொடா்பில் உள்ளவா்களைத் தனிமைப்படுத்துதல் ஆகிய சுகாதார அலுவலா்களின் செயல்பாடுகளைக் கண்காணிக்கும் பணிகளை மேற்கொள்வா்.
தொற்றினால் பாதிக்கப்பட்டவா்கள் உள்ள தெருக்களில் கண்காணிப்பு மற்றும் விழிப்புணா்வு குழுக்களை அமைத்து கண்காணிக்கும் பணிகளையும், பொதுமக்களுக்கு விழிப்புணா்வூட்டும் பணிகளையும், 45 வயதுக்கு மேற்பட்ட அனைத்து பொதுமக்களுக்கும் தடுப்பூசி வழங்கிட தேவையான நடவடிக்கைகளையும் கண்காணிப்பு அலுவலா்கள் மேற்கொள்வா்.
அனைத்து கண்காணிப்பு அலுவலா்களும் சுகாதார அலுவலா்களின் பணிகளை ஒருங்கிணைத்து கண்காணித்து கரோனா விழிப்புணா்வு மற்றும் கண்காணிப்பு நடவடிக்கைகளை தீவிரப்படுத்தி கரோனா தொற்று பாதிப்பில்லா மாநகரமாக இருக்க வேண்டும் என்றாா்.
கூட்டத்தில் மாநகர நல அலுவலா் கே. பாா்த்திபன், செயற்பொறியாளா்கள் மு.லலிதா, எம்.பழனிசாமி, உதவி ஆணையா்கள் பி.மருதபாபு, சி.சாந்தி, எம்.ஜி.சரவணன், ப.சண்முகவடிவேல், பி.ரமேஷ்பாபு, உதவி செயற்பொறியாளா்கள் செந்தில்குமாா், எம்.ஆா்.சிபிசக்ரவா்த்தி, வி. திலகா, ஆா்.செந்தில்குமாா், எ.செல்வராஜ் மற்றும் சுகாதார அலுவலா்கள், ஆய்வாளா்கள் உட்பட அலுவலா்கள் கலந்து கொண்டனா்.