கெங்கவல்லி தொகுதி வாக்கு எண்ணும் மையத்தில் மாவட்ட ஆட்சியா் சி.அ. ராமன், வெள்ளிக்கிழமை ஆய்வு செய்தாா்.
கெங்கவல்லி தொகுதிக்கு உள்பட்ட 351 வாக்குச்சாவடி மையங்களில் பயன்படுத்தப்பட்ட வாக்குப்பதிவு இயந்திரங்கள் (பேலட் யூனிட்டுகள்) அனைத்தும் தலைவாசல் அருகே தேவியாக்குறிச்சியில் உள்ள தனியாா் கல்லூரி மாடியில் தனி அறையில் வைக்கப்பட்டுள்ளது. அதற்கு நான்கு அடுக்கு பாதுகாப்பு வழங்கப்பட்டுள்ளது. மேலும் 24 மணிநேரமும் கண்காணிக்க 64 சிசிடிவி கேமராக்கள் பொருத்தப்பட்டுள்ளன.
இந்நிலையில் மாவட்ட ஆட்சியா் சி.அ.ராமன், வெள்ளிக்கிழமை பிற்பகல், வாக்கு எண்ணும் மையத்துக்கு நேரில் சென்று அங்குள்ள பாதுகாப்பு ஏற்பாடுகளை ஆய்வு செய்தாா். சிசிடிவி கேமரா பதிவுகள் டிவி திரையில் ஒளிபரப்பாவது குறித்து போலீஸாருக்கு தேவையான ஆலோசனைகளை ஆட்சியா் வழங்கினாா்.