Enable Javscript for better performance
முதிா்ந்த பாக்குமரத் தோப்புகளை அழிக்காமல் தொடா்ந்து மகசூல்- Dinamani

சுடச்சுட

    

    முதிா்ந்த பாக்குமரத் தோப்புகளை அழிக்காமல் தொடா்ந்து மகசூல்

    By DIN  |   Published on : 17th April 2021 01:18 AM  |   அ+அ அ-   |    |  

    p_k_03_1604chn_165_8

    சேலம் மாவட்டம், வாழப்பாடி பகுதியில் 30 ஆண்டுகள் மகசூல் கொடுத்து முதிா்ந்து போன பாக்கு மரங்களை அகற்றாமலேயே, தொடா்ந்து மகசூல் பெறுவதற்கு பாக்குமரத் தோப்புக்குள் அடிக்கன்று நடவுமுறையை விவசாயிகள் பின்பற்றி வருகின்றனா்.

    தமிழகத்தில், சேலம், நாமக்கல், கோயம்புத்துாா், நீலகிரி, தருமபுரி, விழுப்புரம் ஆகிய மாவட்டங்களில், நீண்டகால பலன் தரும் மரப்பயிரான பாக்கு பயிரிடப்படுகிறது.

    நாட்டின் மொத்த பாக்கு உற்பத்தியில் 10 சதவீதம் தமிழகத்தில் உற்பத்தியாகிறது. தமிழக பாக்கு உற்பத்தியில் 40 சதவீதத்துக்கு மேல் சேலம் மாவட்டத்தில் உற்பத்தியாகிறது. குறிப்பாக, வாழப்பாடி, பெத்தநாயக்கன்பாளையம், அயோத்தியாப்பட்டணம், ஏத்தாப்பூா், கருமந்துறை பகுதியில் ஆண்டு முழுவதும் நீா்ப்பாசன வசதி கொண்ட நன்செய் நிலங்களில் 5,000 ஆயிரம் ஹெக்டோ் பரப்பளவிற்கு பாக்கு பயிரிடப்பட்டுள்ளது.

    பாக்கு மரத் தோப்பு உருவாக்குவதற்கு, மரக் கன்றுகளை குறைந்தபட்சம் 3 ஆண்டுகளுக்காவது நிழலில் வளா்க்க வேண்டும் என்பதால், அகத்தி மரத்தில் வெற்றிலைக் கொடிக்கால் அமைத்து, அதற்கு நடுவே பாக்கு மரக்கன்றுகள் நட்டு வளா்க்கப்படுகின்றன. ஒரு ஏக்கருக்கு 650 முதல் 750 மரக்கன்றுகள் வரை நடப்பட்டு பாக்குத் தோப்புகள் உருவாக்கப்படுகின்றன.

    பாக்கு மரங்கள் தொடா்ந்து 30 ஆண்டுகள் வரை மகசூல் கொடுக்கும் என்பதால், தவறாது நீா்ப்பாசனம் செய்து, உரமிட்டு விவசாயிகள் பராமரித்து வருகின்றனா். ஒரு ஏக்கா் பாக்குத் தோப்பிலுள்ள பாக்கு மரங்களில் இருந்து ஓராண்டுக்கு பாக்குக் காய்களை அறுவடை செய்துகொள்ள ரூ. 3 லட்சம் வரை வியாபாரிகள் குத்தகைத் தொகை கொடுக்கின்றனா். பாக்குக் காய்களை அறுவடை செய்யும் வியாபாரிகள், தோலுரித்து, வேகவைத்து, பதப்படுத்தி ‘ஆப்பி’ என குறிப்பிடப்படும் கொட்டைப்பாக்கு உற்பத்தி செய்து நாடு முழுவதும் வா்த்தகம் செய்து வருகின்றனா்.

    வாழப்பாடி பகுதியில் 30 ஆண்டுக்கு முன் ஆயிரம் ஹெக்டோ் பரப்பளவிற்கு மேல் பயிரிடப்பட்ட பாக்கு மரங்கள் தற்போது முதிா்ந்து மகசூல் கொடுப்பது குறைந்து வருகிறது. எனவே, இந்த பாக்குமரத் தோப்புகளை அழிக்காமலேயே, தொடா்ந்து மகசூல் பெறுவதற்கு வசதியாக, முதிா்ந்த மரங்களுக்கு அடியிலேயே புதிய பாக்கு மரக்கன்றுகளை நடவு செய்யும் பாரம்பரிய ‘அடிக்கன்று’ நடவுமுறையை வாழப்பாடி பகுதி விவசாயிகள் பின்பற்றி வருகின்றனா்.

    குறிப்பாக, புழுதிக்குட்டை, பேளூா், குறிச்சி, சின்னமநாயக்கன்பாளையம், ரங்கனூா், சந்திரபிள்ளைவலசு, கொட்டவாடி, அத்தனூா்பட்டி, கண்ணுக்காரனூா், ஏத்தாப்பூா், பெத்தநாயக்கன்பாளையம், அனுப்பூா், நீா்முள்ளிக்குட்டை, கோலாத்துக்கோம்பை, சிங்கிபுரம் உள்ளிட்ட கிராமங்களில், 30 ஆண்டுகளுக்கு முன் உருவாக்கப்பட்டு, 25 ஆண்டுகளுக்கு மேலாக மகசூல் கொடுத்து தற்போது முதிா்ந்துபோன பாக்குமரத் தோப்புகளில் பாக்குக் கன்றுகளை நட்டு, முதிா்ந்த தோப்புக்குள்ளேயே புதிய பாக்குத் தோப்பை உருவாக்குவதில் விவசாயிகள் ஆா்வம் காட்டி வருகின்றனா்.

    இதுகுறித்து இடையப்பட்டியைச் சோ்ந்த பாக்கு விவசாயி பழனிமுத்து கூறியதாவது:

    பாக்கு மரங்கள் நடவு செய்யப்பட்ட 4 ஆண்டுகளில் இருந்து தொடா்ந்து 25 ஆண்டுகள் வரை நல்ல மகசூல் கொடுக்கும். இதன் பிறகு மகசூல் குறையத் தொடங்கும். இதுமட்டுமின்றி முதிா்ந்து உயரமாக வளா்ந்துள்ள பாக்கு மரங்களில் அறுவடை செய்வதிலும் சிரமம் ஏற்படும். எனவே, முதிா்ந்த பாக்குமரத் தோப்புகளில் அடிக்கன்று நடவுமுறையில், பாக்குக் கன்றுகளை நட்டு புதிய பாக்குத் தோப்புகளை உருவாக்கும் பாரம்பரிய முறையைப் பின்பற்றி வருகிறோம்.

    முதிா்ந்த மரங்களுக்கு அடியில் நடப்பட்ட பாக்குக் கன்றுகள் வளா்ந்து மகசூல் கொடுக்கத் தொடங்கிய பிறகு, முதிா்ந்த பாக்குமரங்களை வெட்டிவிட்டால், மீண்டும் 25 ஆண்டுகளுக்கு தொடா்ந்து பாக்கு மகசூல் பெற முடியும். இதனால், வாழையடி வாழையாக பாக்குமரத் தோப்புகள் வருவாய் ஈட்டிக் கொடுக்கும்.

    கடந்தாண்டு இறுதியில் பெய்த மழையால் ஓரளவுக்கு பாசனத்துக்கு தண்ணீா் கிடைத்து வருகிறது. இதனால், முதிா்ந்த தோப்புகளில் அடிக்கன்று நடவுமுறையில் பாக்குக் கன்றுகள் நடுவதில் விவசாயிகள் ஆா்வம் காட்டி வருகின்றனா் என்றாா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp