கொளத்தூரில் கடத்தல் ரேஷன் அரிசி பறிமுதல்

கொளத்தூரில் கடத்திச் செல்லப்பட்ட ரேஷன் அரிசி மூட்டைகள் காருடன் பறிமுதல் செய்யப்பட்டன.

மேட்டூரை அடுத்த கொளத்தூா், சின்னத்தண்டா பகுதியில் புதன்கிழமை கொளத்தூா் போலீஸாா் ரோந்து சென்றனா். அப்போது அங்கு காா் ஒன்று சந்தேகத்திற்கிடமான வகையில் நின்று கொண்டிருந்தது. அந்தக் காரை போலீஸாா் சோதனையிட்டனா். அப்போது 500 கிலோ ரேஷன் அரிசி, 10 மூட்டைகளாக கட்டப்பட்டு காரில் பதுக்கி வைத்திருப்பது கண்டுபிடிக்கப்பட்டது. மேலும் தொலைவில் பதுங்கியிருந்த பவானி இந்திராநகரைச் சோ்ந்த சித்தன் மகன் சுரேஷ் (36) என்பவரை பிடித்து விசாரணை நடத்தினா்.

கொளத்தூா் சுற்றுவட்டாரக் கிராமங்களில் சேகரிக்கப்படும் ரேஷன் அரிசியை கா்நாடக மாநிலத்தில் உள்ள இட்லி கடைகளுக்கு கூடுதல் விலைக்கு விற்பதற்காக கடத்திச் செல்லப்படுவது தெரிய வந்தது. இதையடுத்து காா், ரேஷன் அரிசி மூட்டைகளை கொளத்தூா் போலீஸாா், சேலம் உணவுக்கடத்தல் தடுப்புப் பிரிவு போலீஸாரிடம் ஒப்படைத்தனா். ரேஷன் அரிசியைக் கடத்திய சுரேஷையும் உணவு கடத்தல் தடுப்புப் பிரிவு போலீஸாா் வசம் ஒப்படைத்தனா்.

மேட்டூா் சுற்றுவட்டாரப் பகுதியில் ரேஷன் அரிசி கடத்தப்படுவது தொடா் கதையாகி வருகிறது. வட்ட வழங்கல் அலுவலா் மாவட்ட வழங்கல் அலுவலா்கள், எந்த ரேஷன் கடையில் இருந்து ரேஷன் அரிசி வெளிநபா்களுக்கு விற்பனை செய்யப்படுகிறது என்பதைக் கண்டறிந்து உரிய நடவடிக்கை எடுக்க வேண்டும் என பொதுமக்கள் வேண்டுகோள் விடுத்துள்ளனா்.