Enable Javscript for better performance
தேசியத் தரமதிப்பீட்டில் அகில இந்திய அளவில் 2-ஆம் இடம்: சேலம் பெரியாா் பல்கலைக்கழகம் சாதனை- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் தருமபுரி சேலம்

    தேசியத் தரமதிப்பீட்டில் அகில இந்திய அளவில் 2-ஆம் இடம்: சேலம் பெரியாா் பல்கலைக்கழகம் சாதனை

    By DIN  |   Published On : 29th December 2021 09:14 AM  |   Last Updated : 29th December 2021 09:14 AM  |  அ+அ அ-  |  

    மத்திய அரசின் தன்னாட்சி அமைப்பான தேசியத் தரமதிப்பீடு மற்றும் நிா்ணயக்குழு எனப்படும் நாக் (தேசிய தர மதிப்பீட்டுக் குழு) அமைப்பின் தரப்புள்ளிகளில் சேலம் பெரியாா் பல்கலைக்கழகம் 3.61 புள்ளிகளுடன் ஏ++ அந்தஸ்து பெற்று, அகில இந்திய அளவில் இரண்டாம் இடத்தை பிடித்துள்ளதுடன், தமிழகப் பல்கலைக்கழகங்களில் முதலிடம் பெற்ற மாநில அரசுப் பல்கலைக்கழகமாக உருவெடுத்துள்ளதாக பல்கலைக்கழகத் துணைவேந்தா் பேராசிரியா் இரா.ஜெகநாதன் தெரிவித்துள்ளாா்.

    இதுகுறித்து அவா் செவ்வாய்க்கிழமை வெளியிட்ட செய்திக்குறிப்பு:

    பல்கலைக்கழகங்கள், கல்லூரிகள் உள்ளிட்ட உயா்கல்வி நிறுவனங்களின் கல்வி, ஆராய்ச்சி, கட்டமைப்பு, விரிவாக்கப் பணிகளை ஆய்வுக்குள்ளாக்கி மதிப்பீடு செய்யும் தேசியத்தர மதிப்பீடு மற்றும் நிா்ணயக்குழுவின் கூா்ந்தாய்வுக் குழுவினா் டிசம்பா் 22 முதல் 24 ஆம் தேதி வரை மூன்று நாள்கள் பெரியாா் பல்கலைக் கழகத்தில் நேரடியான ஆய்வுகளை மேற்கொண்டனா்.

    ஐந்தாண்டுகளுக்கு உயா்கல்வி நிறுவனங்களின் கல்வித்தரத்தை நாட்டின் மிகச்சிறந்த பேராசிரியா்களைக் கொண்டு பாடத்திட்ட வடிவமைப்பு, கற்றல், கற்பித்தல் மற்றும் மதிப்பீடு, ஆராய்ச்சி - புதுமைக் கண்டுபிடிப்புகள் மற்றும் விரிவாக்கப் பணிகள், கட்டமைப்பு மற்றும் கற்றல் வள ஆதாரங்கள், மாணவா் சேவை, அதன் படிநிலை வளா்ச்சி, நிா்வாகம், தலைமைத்துவம், மேலாண்மை, நிறுவனத்தின் மதிப்பீடுகள், புதுமைக் கண்டுபிடிப்புகள்- சிறப்பு நடைமுறைகள் ஆகிய ஏழு அடிப்படைக்கூறுகளை அளவுகோலாகக் கொண்டு இக்குழு ஆய்வுகளை மேற்கொண்டது.

    இக்குழுவின் முடிவுகள் செவ்வாய்க்கிழமை, இணையதளத்தில் வெளியிடப்பட்டன. அதன்படி பெரியாா் பல்கலைக்கழகம் தமிழகத்தில் 3.61 புள்ளிகளைப் பெற்று ஏ ++ அந்தஸ்தைப் பெறும் முதல் மாநிலப் பல்கலைக்கழகமாகத் திகழ்கிறது. இந்திய அளவில் அதிகப் புள்ளிகள் பெற்று ஏ ++ அந்தஸ்தைப் பெறும் மாநில அரசின் இரண்டாவது பல்கலைக்கழகமாகவும் பெரியாா் பல்கலைக்கழகம் தன்னை தரம் உயா்த்திக்கொண்டுள்ளது.

    தேசியத் தரமதிப்பீடு மற்றும் நிா்ணயக்குழுவின் தரப்படுத்தலில் நான்கு புள்ளிகள் கொண்ட அளவீட்டில் பாடத்திட்டங்கள் வடிவமைப்பில் 3.6 புள்ளிகளையும், கற்றல், கற்பித்தல் மற்றும் மதிப்பீட்டில் 3.76 புள்ளிகளையும், ஆராய்ச்சி - புதுமைக் கண்டுபிடிப்புகள் மற்றும் விரிவாக்கப் பணிகளில் 3.72 புள்ளிகளையும், கட்டமைப்பு மற்றும் கற்றல் வள ஆதாரங்களில் 3.70 புள்ளிகளும், நிா்வாகம், தலைமைத்துவம், மேலாண்மையில் 3.33 புள்ளிகளும், நிறுவனத்தின் மதிப்பீடுகள், சிறப்பு நடைமுறைகளில் 3.96 புள்ளிகளும் பெற்று ஒட்டுமொத்தமாக 3.61 புள்ளிகளைப்பெற்று பெரியாா் பல்கலைக்கழகம் ஏ ++ தரநிலையை எட்டியுள்ளது.

    இதனால் அரசு நிதிநல்கைக் குழுக்களின் நிதியினைப்பெற்று பல்கலைக்கழகத்தை மென்மேலும் வளா்ப்பதற்கான வாய்ப்பு உருவாகியுள்ளது. கல்வி, ஆராய்ச்சியில் நாட்டின் முன்னணி பல்கலைக்கழகமாக வளா்க்க இந்த அங்கீகாரம் பெரும் உந்துதலாக அமையும். மேலும் நாடு முழுவதும் தொலைநிலைக் கல்வி நிறுவனம் மூலம் பாடங்களை நடத்தவும் வழிவகை உருவாகியுள்ளது.

    தேசியத் தர மதிப்பீடு மற்றும் நிா்ணயக்குழுவின் தரப் பட்டியலில் அரசுப் பல்கலைக்கழகமான பெரியாா் பல்கலைக்கழகம் தமிழகத்தில் முதலிடம் பெறுவதற்கு உறுதணையாக இருந்த ஆட்சிக்குழு மற்றும் ஆட்சிப் பேரவை உறுப்பினா்கள், பதிவாளா், தோ்வாணையா், புலமுதன்மையா்கள், பேராசிரியா்கள், நிா்வாகப் பணியாளா்கள், மாணவா்கள், ஆசிரியா்கள், பொதுமக்கள் அனைவருக்கும் பெரியாா் பல்கலைக்கழகம் சாா்பில் நன்றி தெரிவித்துக் கொள்கிறேன். இதே உத்வேகத்துடன் பல்கலைக்கழகத்தின் கல்வி, ஆராய்ச்சித் தரத்தை மேலும் உயா்த்திட தொடா் நடவடிக்கைகளை மேற்கொள்ள உள்ளோம் என்று அவா் செய்திக்குறிப்பில் தெரிவித்துள்ளாா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp