முகப்பு அனைத்துப் பதிப்புகள் தருமபுரி சேலம்
மேட்டூர் அணை நீர் திறப்பு வினாடிக்கு 10,000 கன அடியாக குறைப்பு
By DIN | Published On : 31st December 2021 08:27 AM | Last Updated : 31st December 2021 08:27 AM | அ+அ அ- |
மேட்டூர் அணை
இன்று காலை மேட்டூர் அணை நீர்மட்டம் 116.48அடியிலிருந்து 115.95அடியாக சரிந்தது.
அணைக்கு வரும் நீரின் அளவு வினாடிக்கு 4098கன அடியிலிருந்து விநாடிக்கு 3843கன அடியாக குறைந்தது. அணையில் இருந்து காவிரி டெல்டா பாசனத்திற்கு வினாடிக்கு 15,000கன அடியிலிருந்து 10,000கன அடியாக நேற்று மாலை 6.30மணியிலிருந்து குறைக்கப்பட்டுள்ளது.
கிழக்கு மேற்கு கால்வாய் பாசனத்திற்கு வினாடிக்கு 600கன அடி நீரும் திறக்கப்பட்டு வருகிறது. அணையின் நீர் இருப்பு 87.15 டி.எம்.சியாக உள்ளது.
அணைக்கு வரும் நீரின் அளவைவிட பாசனத்திற்கு திறக்கப்படும் நீரின் அளவு அதிகமாக இருப்பதால் மேட்டூர் அணையின் நீர்மட்டம் தொடர்ந்து சரிந்து வருகிறது. காவிரி டெல்டா பாசனப் பகுதிகளில் பாசன தேவை குறைந்ததால் பாசனத்திற்கு திறக்கப்படும் நீரின் அளவு வினாடிக்கு 10 ஆயிரம் கன அடியாக குறைக்கப்பட்டு உள்ளது.
