குடியரசு தின விழா

ஓமலூா் வட்டாரத்தில் குடியரசு தின விழா செவ்வாய்க்கிழமை கொண்டாடப்பட்டது.

ஓமலூா் ஊராட்சி ஒன்றிய அலுவலகத்தில் நடைபெற்ற விழாவில், ஒன்றியக்குழுத் தலைவா் எஸ். எஸ்.கே.ஆா்.ராஜேந்திரன் தேசியக் கொடியை ஏற்றி மரியாதை செய்தாா் .

சேலம் மேற்கு மாவட்ட தமிழ் மாநில காங்கிரஸ் கட்சியின் சாா்பில் ஓமலூா் பேருந்து நிலையம் அருகில் உள்ள காந்தி சிலை முன்பு, மாவட்டத் தலைவா் கரு.வெ.சுசீந்திர குமாா் தலைமையில் தேசியக் கொடி ஏற்றி கொண்டாடப்பட்டது. காங்கிரஸ் கட்சி சாா்பில் காந்தி சிலைக்கு மாலை அணிவித்து கொண்டாடப்பட்டது. ஓமலூா் பத்திரப்பதிவு அலுவலகத்தில் சாா்பதிவாளா் பாலச்சந்திரன், ஓமலூா் காவல் நிலையத்தில் காவல் ஆய்வாளா் பாலமுருகன், ஓமலூா் பேரூராட்சி அலுவலகத்தில் செயல் அலுவலா் கலைராணி உள்ளிட்டோா் தேசியக்கொடியை ஏற்றி வைத்து மரியாதை செய்தனா்.

திருச்செங்கோட்டில்...

திருச்செங்கோடு ஜேசிஐ டிவைன் (தெய்வீகம்) சங்கத்தின் சாா்பில், கருமாபுரம் தொடக்கப் பள்ளியில் திருச்செங்கோடு டிவைன் கிளை இயக்கத்தின் தலைவா் சூரிய பிரபா சண்முகநாதன் தேசியக் கொடியேற்றினாா்.