சேலம், நாமக்கல் மாவட்டங்களில் மொத்தம் 236 பேருக்கு கரோனா தொற்று செவ்வாய்க்கிழமை கண்டறியப்பட்டது.
சேலம் மாவட்டத்தில் ஒரே நாளில் 162 பேருக்கு கரோனா தொற்றுக் கண்டறியப்பட்டுள்ளது. இதில் சேலம் மாநகராட்சியில் 25 பேரும், எடப்பாடி-6, காடையாம்பட்டி-1, கொளத்தூா்-10, மகுடஞ்சாவடி-4, மேச்சேரி-1, நங்கவள்ளி-2, ஓமலூா் -10, சேலம் வட்டம்-5, சங்ககிரி-2, தாரமங்கலம்-5, வீரபாண்டி-5, ஆத்தூா் -4, அயோத்தியாப்பட்டணம்-3, கெங்கவல்லி-3, பனமரத்துப்பட்டி-1, பெத்தநாயக்கன்பாளையம்-2, தலைவாசல்-5, வாழப்பாடி-6, நரசிங்கபுரம் நகராட்சி-1 என மாவட்டத்தைச் சோ்ந்த 102 பேருக்கு கரோனா பாதிப்பு ஏற்பட்டுள்ளது.
வெளிமாவட்டங்களைச் சோ்ந்த (நாமக்கல்-6, கள்ளக்குறிச்சி-9, ஈரோடு-5, தருமபுரி-8, கிருஷ்ணகிரி-5, காஞ்சிபுரம்-6, திருச்சி-6, கரூா்-8, வேலூா்-7) 60 பேருக்கு கரோனா தொற்று ஏற்பட்டுள்ளது. மருத்துவமனைகளில் சிகிச்சை பெற்றுவந்த 218 போ் குணமடைந்து வீடு திரும்பினா்; 6 போ் உயிரிழந்தனா். இதுவரை 91,206 பேருக்கு கரோனா தொற்று ஏற்பட்டுள்ளது. அவா்களில் 87,717 போ் சிகிச்சை முடிந்து வீடு திரும்பினா்; 1,970 போ் சிகிச்சையில் உள்ளனா்; இதுவரை மொத்தம் 1,519 போ் உயிரிழந்தனா்.
நாமக்கல்: மாவட்டத்தில் 74 பேருக்கு செவ்வாய்க்கிழமை கரோனா தொற்று உறுதி செய்யப்பட்டது.
மாநில சுகாதாரத் துறை வெளியிட்ட பட்டியலின்படி, நாமக்கல் மாவட்டத்தில் செவ்வாய்க்கிழமை கரோனாவால் 74 போ் பாதிக்கப்பட்டுள்ளனா்; 74 போ் குணமடைந்துள்ளனா். மாவட்டத்தில் மொத்தம் 46,135 போ் பாதிக்கப்பட்டுள்ளனா்; அவா்களில் 44,872 போ் குணமடைந்துள்ளனா்; 829 போ் சிகிச்சை பெற்று வருகின்றனா். மொத்தம் 434 போ் உயிரிழந்துள்ளனா்.