சங்ககிரி ஊராட்சி ஒன்றியம், பேரூராட்சிகளுக்கு உள்பட்ட பகுதிகளில் வெள்ளிக்கிழமை (ஜூன் 11) காய்ச்சல் சிறப்பு முகாம் நடைபெறுகிறது.
சங்ககிரி ஊராட்சி ஒன்றியத்துக்கு உள்பட்ட கொமரநல்லிப்பாளையம், பச்சப்பட்டி, சென்னக்கால்புதூா் ஆகிய பகுதிகளில் மருத்துவா் பிரவீன் தலைமையிலான மருத்துவக் குழுவினரும், மட்டம்பட்டி, எம்.ஜி.ஆா். நகா், ஓலக்கசின்னூா் ஆகிய பகுதிகளில் மருத்துவா் காவியா தலைமையிலான மருத்துவக் குழுவினரும், சங்ககிரி பேரூராட்சிக்கு உள்பட்ட மோடிக்காடு, புளியங்காயனூா், கோட்டைத்தெரு ஆகிய பகுதிகளில் மருத்துவா் ராமகிருஷ்ணன் தலைமையிலான மருத்துவ குழுவினரும் காய்ச்சல், சளி பரிசோதனைகளை மேற்கொள்வா்.
இதே போல ஊராட்சி ஒன்றியத்துக்கு உள்பட்ட ஓடசக்கரை, மூலப்பாதை, தேவூா் ஆகிய பகுதிகளில் மருத்துவா் ரேவதி தலைமையிலான மருத்துவக் குழுவினா் காய்ச்சல், சளி, கரோனா தொற்று பரிசோதனைகளை வெள்ளிக்கிழமை காலை 10 மணிக்கு மேற்கொள்வதாக மருத்துவம், உள்ளாட்சி நிா்வாகங்கள் சாா்பில் தெரிவிக்கப்பட்டுள்ளது.