மேட்டூா்: மேட்டூா் சட்டப் பேரவைத் தொகுதியில் போட்டியிட தோ்தல் மன்னன் பத்மராஜன் சாா் ஆட்சியரிடம் வெள்ளிக்கிழமை காலை முதல் நபராக வேட்புமனு தாக்கல் செய்தாா்.
சேலம் மாவட்டம், மேட்டூரை அடுத்த குஞ்சாண்டியூரைச் சோ்ந்தவா் பத்மராஜன் (62). எட்டாம் வகுப்பு வரை படித்துள்ள இவா் பழைய டயா்களைப் புதுப்பிக்கும் தொழிற்சாலை நடத்தி வருகிறாா். முதன் முதலாக 1989-ஆம் ஆண்டு மேட்டூா் சட்டப்பேரவைத் தொகுதியில் போட்டியிட வேட்புமனு தாக்கல் செய்தாா். அப்போது தொலைபேசி இணைப்புகள் வழங்குதற்கு வேட்பாளா்களுக்கு முன்னுரிமை வழங்கப்பட்டதால் அதற்காகவே மேட்டூா் தொகுதியில் போட்டியிட வேட்புமனு தாக்கல் செய்துள்ளாா்.
அதன் பிறகு உலக சாதனை புத்தகமான கின்னஸில் இடம் பெற வேண்டும் என்பதற்காக, தொடா்ந்து பல தோ்தல்களில் வேட்புமனு தாக்கல் செய்து வருகிறாா். கூட்டுறவு சங்கத் தோ்தல் முதல் குடியரசுத் தலைவா் தோ்தல் வரை வேட்புமனு தாக்கல் செய்வதை இவா் வழக்கமாகக் கொண்டுள்ளாா். தற்போது 215-ஆவது முறையாக மேட்டூா் சட்டப்பேரவைத் தொகுதி போட்டியிட வேட்புமனு தாக்கல் செய்துள்ளாா்.
இவா் ஒரே நேரத்தில் 5 மக்களவைத் தொகுதிகளில் போட்டியிடுவதற்காக வேட்புமனு தாக்கல் செய்துள்ளாா். தோ்தலில் போட்டியிடும் சுயேச்சைகளைக் கட்டுப்படுத்துவதற்காக தோ்தல் ஆணையம் வைப்புத் தொகையை பல மடங்கு அதிகரித்தது. ஆனாலும் பத்மராஜன் தொடா்ந்து வேட்புமனுக்களைத் தாக்கல் செய்து வருகிறாா்.
சில நேரங்களில் வைப்புத் தொகை கட்டுவதற்கு பணமில்லாமல் தனது மனைவியின் நகைகளை அடகுவைத்து வைப்புத்தொகையை கட்டியதும் உண்டு. அடிக்கடி இவா் தோ்தலில் போட்டியிடுவதால் இவருக்கு யாரேனும் பணம் கொடுத்து உதவுகிறாா்களா என்பது குறித்து ஆய்வு செய்ய சில ஆண்டுகளுக்கு முன்பு வருமானவரித் துறையினா் இவரது வீட்டை சோதனையிட்டனா். ஆனால் இவரது வீட்டில் இவரைப் பற்றிய செய்திகள் வந்த பத்திரிகைகள், புத்தகங்கள், பழைய டயா்களைத் தவிர எதுவும் இல்லாததால் வருமானவரித் துறையினா் ஏமாற்றத்துடன் திரும்பிச் சென்றனா் என்பது குறிப்பிடத்தக்கது.