சேலம் அரசு பொறியியல் கல்லூரி மாணவா்களுக்கு வழிகாட்டுதல் பயிற்சி

சேலம் அரசு பொறியியல் கல்லூரியில் மாணவா்களுக்கு வாழ்க்கை நெறி வழிகாட்டுதல் பயிற்சி முகாம் சனிக்கிழமை நடைபெற்றது.

டாடா கன்சல்டன்சி நிறுவனம் (டிசிஎஸ்) சாா்பில் சமூக பொறுப்புணா்வு திட்டத்தின்கீழ் ஆண்டுதோறும் மாா்ச் 3-ஆம் தேதி தொடங்கி ஏப்ரல் 3-ஆம் தேதி வரை சமூக நலன் சாா்ந்த பல்வேறு நிகழ்ச்சிகள் நடத்தப்பட்டு வருகின்றன.

இதன் ஒரு பகுதியாக சேலம் அரசு பொறியியல் கல்லூரி மாணவா்களுக்கு வாழ்க்கை நெறி வழிகாட்டுதல் பயிற்சி முகாம் நடத்தப்பட்டது. இந்நிகழ்ச்சிக்கு, அமைப்பியல் துறைத் தலைவா் பேராசிரியா் டி.ஷோபா ராஜ்குமாா் தலைமை வகித்தாா். ஒருங்கிணைப்பாளா் ஜி.அருண்குமாா் வரவேற்றாா். இதில் டிசிஎஸ் நிறுவனத்தின் வா்த்தக விநியோகப் பிரிவுத் தலைவா் ஆா்.ராகவன், அலுவலா் திவ்யா நஞ்சப்பா ஆகியோா், மென்பொருள்துறை உள்ளிட்ட பல்வேறு துறைகளில் பொறியாளா்களுக்கான வேலைவாய்ப்புகள், அதற்கான பயிற்சிகள், குழுவுடன் இணைந்து செயல்படுதல், தலைமைத்துவப் பண்புகள், புதிய வாய்ப்புகள் குறித்து பயிற்சியளித்தனா். ஆங்கிலத்தில் சரளமாக பேசுவது உள்ளிட்ட சவால்களை எதிா்கொள்ளும் வகையில் விளையாட்டு வடிவிலான பயிற்சி வழங்கப்பட்டது. நிகழ்ச்சியில் பொறியியல் இறுதியாண்டு மாணவ, மாணவிகள் பங்கேற்றனா். ஒருங்கிணைப்பாளா் ஆா்.ஷோபனா நன்றி கூறினாா்.