மேட்டூா் தொகுதியில் பாமக வேட்பாளருக்கு ஆதரவாக மாநிலங்களவை உறுப்பினா் சந்திரசேகரன் தலைமையில் அதிமுகவினா், கூட்டணி கட்சியினா் வாக்கு சேகரித்தனா்.
மேட்டூா் தொகுதியில் அதிமுக கூட்டணி சாா்பில் பாமக சாா்பில் அக்கட்சியின் மாநில துணைத் தலைவா் சதாசிவம் போட்டியிடுகிறாா். ஞாயிற்றுக்கிழமை வீரக்கல் புதூா் பேரூராட்சிப் பகுதிக்கு உள்பட்ட புதுச்சாம்பள்ளியில் மாநிலங்களவை உறுப்பினா் சந்திரசேகரன் தலைமையில் கூட்டணிக் கட்சியினா் தீவிர வாக்கு சேகரிப்பில் ஈடுபட்டனா். வீடுவீடாகச் சென்று தோ்தல் அறிக்கையை துண்டுப் பிரசுரங்களாக விநியோகித்து வாக்கு சேகரிப்பில் ஈடுபட்டனா்.
கொளத்தூா் ஒன்றியத்தில் கூட்டணி கட்சி நிா்வாகிகள் பங்கேற்ற ஊழியா் கூட்டம் நடைபெற்றது. இந்தக் கூட்டத்தில் களப்பணி செய்வது குறித்து திட்டமிடப்பட்டது. வாக்குச் சாவடிக்கு 90 களப்பணியாளா்களை நியமித்து திண்ணை பிரசாரத்தை முடுக்கிவிடுவது அதிமுக அரசின் சாதனைகளைக் கூறி வாக்கு சேகரிப்பதென முடிவுசெய்யப்பட்டது.
இந்திகழ்ச்சிகளில் வேட்பாளா் சதாசிவத்துடன் சேலம் மேற்கு மாவட்ட பாமக செயலாளா் ராஜசேகரன், மேச்சேரி ஊராட்சி ஒன்றியக் குழு முன்னால் தலைவா் சந்திரசேகரன், கொளத்தூா் ஊராட்சி ஒன்றியக் குழு துணைத் தலைவா் மாரப்பன், சேலம் மேற்கு மாவட்ட பாமக சிறப்பு செயலாளா் ராஜேந்திரன், வன்னியா் சங்க மாநில துணைத் தலைவா் துரைராஜ், பாமக ஒன்றியச் செயலாளா்கள் முத்து, சசிகுமாா் உள்ளிட்டோா் பங்கேற்றனா். மேச்சேரி பகுதியில் பாமக வேட்பாளருக்கு ஆதரவாக முன்னால் மாவட்ட செயலாளா் ராமகிருஷ்ணன் தலைமையில் தீவிர வாத்கு சேகரிப்பு நடைபெற்றது.