Enable Javscript for better performance
நீட் தோ்வை காங்கிரஸ் தான் கொண்டுவந்தது: அதை ரத்து செய்ய வாய்ப்பில்லை- Dinamani

சுடச்சுட

    

    நீட் தோ்வை காங்கிரஸ் தான் கொண்டுவந்தது: அதை ரத்து செய்ய வாய்ப்பில்லை

    By DIN  |   Published on : 27th March 2021 09:09 AM  |   அ+அ அ-   |    |  

    26omp1_2603chn_154_8

    ஓமலூரில் செய்தியாளா்களுக்கு பேட்டியளித்த முன்னாள் மத்திய அமைச்சா் எம்.எம்.பல்லம் ராஜு

    நீட் தோ்வை காங்கிரஸ் அரசு தான் கொண்டுவந்தது. வருங்காலத்தில் அதனை ரத்து செய்ய வாய்ப்பில்லை என்று காங்கிரஸ் மூத்த தலைவரும், முன்னாள் மத்திய அமைச்சருமான எம்.எம்.பல்லம் ராஜு தெரிவித்தாா்.

    முன்னாள் மத்திய மனிதவள மேம்பாட்டுத் துறை அமைச்சரும், தமிழ்நாடு காங்கிரஸ் கமிட்டியின் மேலிடப் பாா்வையாளருமான எம்.எம்.பல்லம் ராஜு, ஓமலூரில் செய்தியாளா்களிடம் வெள்ளிக்கிழமை கூறியதாவது:

    மாநிலங்களில் நுழைவுத் தோ்வுகளை நடத்த வேண்டாம் என்று முடிவெடுத்து, அகில இந்திய அளவில் மாணவா்களின் கல்வி நலனைக் கொண்டு நீட் தோ்வை காங்கிரஸ் அரசு கொண்டு வந்தது.

    இந்தியாவில் எந்தப் பகுதியைச் சோ்ந்த மாணவா்களும் தேசிய அளவிலான கல்வி நிறுவனங்களில் சேரும் வகையில் நீட் தோ்வைக் கொண்டு வந்தோம். ஆனால் அதனைச் செயல்படுத்தும் முறையில் மத்திய பாஜக அரசு தோல்வி அடைந்து விட்டது.

    வருங்காலத்திலும் நீட் தோ்வை ரத்து செய்ய வாய்ப்பில்லை. காங்கிரஸ் மீண்டும் ஆட்சி அமைக்கும்போது நீட் தோ்வு முறை எளிமைப்படுத்தப்படும். மாணவா்கள் தங்களது உள்ளூா் மொழியிலேயே தோ்வு எழுதவும் பரிந்துரை செய்வோம். நீட் தோ்வில் தோ்ச்சி அடையும் மாணவா்களில் அரசுப் பள்ளி மாணவா்களுக்கு கூடுதல் இடங்களை ஒதுக்கீடு செய்யப் பரிந்துரை செய்வோம்.

    மத்திய பாஜக அரசின் ஒவ்வொரு நடவடிக்கையும் சாதாரண மக்களை பாதிப்புக்கு உள்ளாக்குகிறது. பண மதிப்பிழப்பு நடவடிக்கையால் சிறு, குறு தொழிற்சாலைகள் முற்றிலும் அழிந்துவிட்டன.

    ஐக்கிய முற்போக்குக் கூட்டணி அரசில் ஜிஎஸ்டி வரி கொண்டு வரப்பட்டது. ஆனால் அவசரக் கோலத்தில் ஜிஎஸ்டி வரி நடைமுறைப்படுத்தப்பட்டதால் சிறு தொழிலில் ஈடுபட்டு வந்தவா்களை மிகவும் பாதிப்படைய செய்து விட்டது.

    பாஜக அரசின் நடவடிக்கைகளால் தொழில்துறை முற்றிலும் நலிவடைந்து விட்டது. கரோனா தொற்றை விட, பாஜக அரசு அதனை தவறாகக் கையாண்டதால் நிறைய உயிரிழப்புகள் ஏற்பட்டுவிட்டன.

    புதிய கல்விக் கொள்கையை விவாதித்து நிறைவேற்றாமல் அவசர கதியில் நிறைவேற்றியுள்ளனா். ஹிந்தி திணிப்பால் தமிழகம் உள்ளிட்ட மாநிலங்கள் ஏற்கெனவே பாதிக்கப்பட்டுள்ள நிலையில், புதிய கல்விக்கொள்கையிலும் ஹிந்தி திணிப்பு அதிக அளவில் உள்ளது.

    இதேபோன்று வேளாண் சட்டங்களால் விவசாயிகள் பாதிக்கப்பட்டு போராட்டம் நடத்தி வரும் நிலையில் அதனை பாஜக அரசு கண்டுகொள்ளாமல் உள்ளது.

    மக்களவையிலும், மாநிலங்களவையிலும் பெரும்பான்மை இருப்பதால் எந்தவித விவாதமும் இன்றி அவசரமாக சட்டங்களை நிறைவேற்றி வருகின்றனா்.

    தமிழகத்தில் படித்த இளைஞா்கள் வேலைவாய்ப்பு பெறுவதற்கான எந்தத் திட்டங்களையும் அதிமுக அரசு செயல்படுத்தவில்லை. அரசின் தோல்விக்கு முதல்வா் எடப்பாடி பழனிசாமி கட்டாயம் பதில் சொல்ல வேண்டும். திமுக தலைவா் மு.க.ஸ்டாலின் முதல்வரானால் அனைத்துத் துறைகளையும் சீரமைப்பாா்.

    தமிழக மக்கள் எப்போதும் சரியான அரசைத் தோ்ந்தெடுப்பாா்கள். தமிழகம், புதுச்சேரியில் உரிய மாற்றம் கண்டிப்பாக ஏற்படும். மோடி அரசின் தவறான செயல்பாடுகளுக்கு மக்கள் இந்தத் தோ்தலில் உரிய பதில் அளிப்பாா்கள் என்று எதிா்பாா்க்கிறோம் என்றாா்.

    5 மாநில தோ்தல் முடிவுகளுக்குப் பின்னா் ராகுல் காந்தியை மீண்டும் தலைவராக்க, காங்கிரஸ் நிா்வாகிகள் சாா்பில் வலியுறுத்தப்படுமா என செய்தியாளா்கள் கேட்டதற்கு, கட்டாயம் வேண்டுகோள் விடுப்போம். ஆனால் பொதுமக்கள் அவரை தேசியத் தலைவராக எப்போதோ ஏற்றுக் கொண்டுவிட்டாா்கள். குறிப்பாக தென்னிந்திய மக்கள் அவா் மீது மிகவும் அன்பு மிக்கவா்களாக உள்ளனா் என்றாா்.

     

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp