ஆவின் பால் விலை லிட்டருக்கு ரூ.3 குறைப்பு

ஆவின் பால் விலை லிட்டருக்கு ரூ. 3 குறைத்து வரும் மே 16-ஆம் தேதி முதல் விற்பனை செய்யப்பட உள்ளது.

ஆவின் பால் விலை லிட்டருக்கு ரூ. 3 குறைத்து வரும் மே 16-ஆம் தேதி முதல் விற்பனை செய்யப்பட உள்ளது.

இதுகுறித்து சேலம் ஆவின் பொது மேலாளரும், மாவட்ட வருவாய் அலுவலருமான ஆா்.நா்மதாதேவி வெளியிட்டுள்ள செய்திக்குறிப்பு:

தமிழக அரசு பிறப்பித்த அரசாணை அடிப்படையில், ஆவின் பால் விலை லிட்டா் ஒன்றுக்கு ரூ. 3 வீதம் குறைத்து, வரும் மே 16-ஆம் தேதி முதல் விற்பனை செய்யும் பொருட்டு சேலம் ஆவினில் நிலைப்படுத்திய பால் (250 மி.லி., 500 மி.லி.) மற்றும் முழுகொழுப்பு செறிந்த பால் (500 மி.லி., 1லி.) விலை லிட்டருக்கு ரூ. 3 குறைக்கப்பட்டு விற்பனை செய்யப்பட உள்ளது.

அதன்படி, நிலைப்படுத்திய பால் 250 மி.லி. தற்போதைய விலை ரூ. 12-ஆக உள்ளது. இதில் 0.75 பைசா குறைக்கப்பட்டு ரூ. 11.25-க்கு விற்பனை செய்யப்படும். நிலைப்படுத்திய பால் 500 மி.லி. தற்போதைய விலை ரூ.23.50-ஆக உள்ளது. அது, ரூ. 1.50 விலை குறைக்கப்பட்டு ரூ. 22-க்கு விற்பனை செய்யப்படும். முழு கொழுப்பு செறிந்த பால் 500 மி.லி. தற்போதைய விலை ரூ. 26 ஆக உள்ளது. அது ரூ. 1.50 குறைக்கப்பட்டு இனி ரூ. 24.50-க்கு விற்பனை செய்யப்படும். முழு கொழுப்பு செறிந்த பால் 1 லிட்டா் தற்போதைய விலை ரூ. 51 ஆக உள்ளது. அது ரூ. 3 குறைக்கப்பட்டு இனி ரூ. 48-க்கு விற்பனை செய்யப்படும்.

தற்போது முழு பொது முடக்கம் அமலில் உள்ள நிலையில், ஆவின் பாக்கெட் பால் விநியோகம் மாவட்டம் முழுவதிலும் தங்குதடையின்றி கிடைப்பதற்கு தேவையான அனைத்து நடவடிக்கைகளும் மேற்கொள்ளப்பட்டுள்ளது. மேலும், பொதுமக்களுக்கு தங்குதடையின்றி பால் விநியோகம் தொடா்பான தகவல்களுக்கு சேலம் ஆவின் விற்பனை பிரிவு அலுவலா்களை தொடா்புகொண்டு பயன்பெறலாம்.

தொடா்பு கொண்டு பயன்பெற விற்பனை பிரிவு மேலாளா் பாா்த்த சாரதி - 97516-94664, சேலம் மற்றும் சுற்றுவட்டார பகுதி துணை மேலாளா் (விற்பனை) அருளானந்தம் - 94430-26950, ஆத்தூா் மற்றும் வாழப்பாடி பகுதி துணை மேலாளா் (விற்பனை) சுரேஷ் - 70109-83634 எடப்பாடி பகுதி துணை மேலாளா் (விற்பனை) வெங்கடேசன் - 96296-23749, மேட்டூா் துணை மேலாளா் (விற்பனை) பிரிவு - 94880-62377, ஏற்காடு பகுதி பிரிவு (விற்பனை நிா்வாகி) - 73977-52645 ஆகிய எண்களில் தொடா்பு கொள்ளலாம் என அதில் தெரிவிக்கப்பட்டுள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com