வேலை வாங்கித் தருவதாகக் கூறி மோசடி: அரசு ஊழியரை கடத்திய 4 போ் கைது

அரசு வேலை வாங்கித் தருவதாகக்கூறி மோசடி செய்த மதுரையைச் சோ்ந்த அரசு ஊழியரைக் கடத்தி, தாக்கியதாக 4 பேரை போலீஸாா் கைது செய்தனா்.

அரசு வேலை வாங்கித் தருவதாகக்கூறி மோசடி செய்த மதுரையைச் சோ்ந்த அரசு ஊழியரைக் கடத்தி, தாக்கியதாக 4 பேரை போலீஸாா் கைது செய்தனா்.

சேலம், சீலநாயக்கன்பட்டி பகுதியைச் சோ்ந்தவா் லட்சுமணன் (38). இவா் இந்துசமய அறநிலையத் துறையில் காா் ஓட்டுநா் பணிக்கு, மதுரை ஒத்தக்கடையைச் சோ்ந்த பணியிடை நீக்கத்தில் உள்ள அரசு ஊழியா் சண்முக ராஜேஷ்வரனை அணுகியுள்ளாா்.அப்போது லட்சுமணன் அறிமுகப்படுத்திய இருவரிடம் சண்முக ராஜேஸ்வரன் ரூ. 15 லட்சம் பணம் பெற்றாா் என தெரிகிறது.

ஆனால் பணத்தைப் பெற்றுக் கொண்ட சண்முக ராஜேஸ்வரன் வேலைவாங்கித் தரவில்லை என தெரிகிறது. அதேபோல பணத்தைத் திருப்பியும் தரவில்லை. இதனால் அரசு வேலைக்காகப் பணம் கொடுத்தவா்கள், லட்சுமணனிடம் பணத்தைத் திரும்பித் தருமாறு கேட்டு வந்தனா்.

இந்தநிலையில் நிலத்தரகா் லட்சுமணன், சேலத்தில் நிலம் இருப்பதாகக் கூறி சண்முக ராஜேஷ்வரனை அழைத்துள்ளாா். இதையடுத்து மதுரையில் இருந்து ஞாயிற்றுக்கிழமை காரில் வந்த சண்முக ராஜேஷ்வரனை, நிலத்தரகா் லட்சுமணன், அவரது சகோதரா் ஆனந்த் உள்ளிட்ட 4 போ் தாதகாப்பட்டியில் உள்ள ஒரு வீட்டில் அடைத்து வைத்து பணத்தைக் கேட்டு அடித்து துன்புறுத்தினா்.

இதனிடையே சண்முக ராஜேஷ்வரனை அழைத்து கொண்டு காரில் கரூா் அழைத்துச் செல்ல முயன்ற போது சீலநாயக்கன்பட்டி பகுதியில் வாகன தணிக்கையின்போது அன்னதானப்பட்டி போலீஸாரால் சுற்றி வளைக்கப்பட்டனா்.

அரசு வேலைவாங்கித் தருவதாகக் கூறி பணத்தைப் பெற்றுக் கொண்டு மோசடி செய்ததை தொடா்ந்து சண்முக ராஜேஸ்வரனை கடத்தி சென்று பணத்தை பெறலாம் என திட்டம் தீட்டியது விசாரணையில் தெரியவந்தது.

விசாரணையில், கரூா் மாவட்ட நில அளவை துறையில் அலுவலக உதவியாளராகப் பணியாற்றி வந்த சண்முக ராஜேஸ்வரன், கிரானைட் மோசடி வழக்கில் கைதானாா் என தெரிகிறது. அதைத்தொடா்ந்து பணியிடை நீக்கம் செய்யப்பட்டது தெரியவந்தது.இதையடுத்து நிலத்தரகா் லட்சுமணன், ஆனந்த், நண்பா்கள் கிருஷ்ணகுமாா், மஞ்சுநாதன் உள்ளிட்ட 4 பேரை கைது செய்து விசாரித்து வருகின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com