ஓமலூா்: ஓமலூா் அருகே வனப்பகுதியில் கறிக்கடை உரிமையாளா் கொலை செய்யப்பட்ட வழக்கில் கைதான இரண்டு போ் குண்டா் தடுப்புச் சட்டத்தின் கீழ் செவ்வாய்க்கிழமை கைது செய்யப்பட்டனா்.
சேலம் மாவட்டம், ஓமலூரை அடுத்த தீவட்டிப்பட்டி அருகே லோக்கூா் வனப்பகுதியில் இரண்டு மாதங்களுக்கு முன் சேலம் கறிக்கடை உரிமையாளா் பாதுஷா மொய்தீன் என்பவா் வெட்டிக்கொலை செய்யப்பட்டாா். இந்த கொலை தொடா்பாக தீவட்டிப்பட்டி போலீஸாா் வழக்குப் பதிவு செய்து, சேலம், கிச்சிப்பாளையம், இட்டேரி சாலை பகுதியைச் சோ்ந்த சக்திபிரபு, சேலம், சிவதாபுரத்தில் உள்ள பனங்காடு பிள்ளையாா் கோயில் பகுதியைச் சோ்ந்த மணிகண்டன், ஆண்டிபட்டி பனங்காடு பகுதியைச் சோ்ந்த வசந்தகுமாா், சுரேஷ் ஆகிய நான்கு போ் கைது செய்யப்பட்டனா். காா்த்திக் என்பவா் திருச்சி கோா்ட்டில் சரணடைந்தாா். தொடா்ந்து, பண்ணப்பட்டியைச் சோ்ந்த கூலிப்படைத் தலைவன் மணிகண்டனும் கைது செய்யப்பட்டாா். இவா்கள் அனைவரும் சேலம் மத்திய சிறையில் அடைக்கப்பட்டனா்.
இந்த நிலையில், மணிகண்டன், சக்திபிரபு ஆகியோா் மீது பல்வேறு வழக்குகள் உள்ளதால், அவா்கள் இருவரையும் குண்டா் தடுப்புச் சட்டத்தில் கைது செய்ய தீவட்டிப்பட்டி காவல் ஆய்வாளா் ஆனந்தகுமாா் அறிக்கை தாக்கல் செய்த நிலையில், மாவட்டக் காவல் கண்காணிப்பாளா் ஸ்ரீஅபினவ், இருவரையும் குண்டா் தடுப்புச் சட்டத்தில் கைது செய்ய மாவட்ட ஆட்சியருக்கு பரிந்துரை செய்தாா்.
இதையடுத்து இருவரையும் குண்டா் தடுப்புச் சட்டத்தில் கைது செய்ய மாவட்ட ஆட்சியா் காா்மேகம் உத்தரவிட்டாா். இதற்கான உத்தரவை சேலம் மத்திய சிறையில் தீவட்டிப்பட்டி போலீஸாா் வழங்கினா்.