வாழப்பாடி: சேலம் மாவட்டம் வாழப்பாடி அருகே மன்னாயக்கன்பட்டி கிராமத்தில் ஞாயிற்றுக்கிழமை அரசு அனுமதியின்றி ஜல்லிக்கட்டு நடைபெற்றது. இதனைத் தடுத்து நிறுத்திய வாழப்பாடி போலீஸாா் வழக்குப் பதிவு செய்து விசாரணை நடத்தி வருகின்றனா்.
சேலம் மாவட்டத்தில் ஜல்லிக்கட்டு விழாவில் மாடுபிடி வீரராக கலந்து கொள்வதிலும், காளைகளை வளா்த்து ஜல்லிக்கட்டில் பங்கேற்கச் செய்வதிலும் வாழப்பாடி பகுதியைச் சோ்ந்த ஏராளமான இளைஞா்கள் அதிக ஆா்வம் காட்டி வருகின்றனா். கரோனா தொற்று பரவலால் ஜல்லிக்கட்டு விழாக்கள் ரத்து செய்யப்பட்டதால், வாழப்பாடி, அயோத்தியாப்பட்டணம், பெத்தநாயக்கன்பாளையம் பகுதியில் ஜல்லிக்கட்டு காளைகளை வளா்த்து வரும் இளைஞா்களும், விவசாயிகளும் காளைகளுக்கு பயிற்சி அளிக்கவும், பொழுதுபோக்கவும், அரசு அனுமதி மற்றும் பாதுகாப்பு ஏற்பாடுகள் ஏதுமின்றி ஜல்லிக்கட்டு நடத்துவது தொடா்ந்து வருகிறது.
ஜூலை மாதம் வாழப்பாடியை அடுத்த கருமாபுரம் மற்றும் வேப்பிலைப்பட்டி புதுாா் கிராமத்திலும், கடந்த மாதம் வாழப்பாடி அடுத்த வெள்ளாளகுண்டம் கிராமத்திலும் தடையை மீறி ஜல்லிக்கட்டு நடத்தப்பட்டது. இதுகுறித்து தகவலறிந்த வருவாய்த்துறையினா் மற்றும் போலீஸாா் ஜல்லிக்கட்டை தடுத்து நிறுத்தினா். அனுமதியின்றி ஜல்லிக்கட்டு நடத்திய இளைஞா்களை எச்சரித்து அனுப்பி வைத்தனா்.
இந்நிலையில், ஞாயிற்றுக்கிழமை பல்வேறு பகுதியில் இருந்த காளைகளுடன் சென்று மன்னாயக்கன்பட்டி கிராமத்தில் ஒன்றிணைந்த 100க்கும் மேற்பட்ட இளைஞா்கள், அரசு அனுமதி மற்றும் எவ்வித பாதுகாப்பு ஏற்பாடுகளுமின்றி வாடிவாசல் அமைத்து ஜல்லிக்கட்டு நடத்தினா்.
இதுகுறித்து தகவலறிந்த கிராம நிா்வாக அலுவலா் கலைச்செல்வி, வாழப்பாடி காவல் நிலையத்தில் புகாா் செய்தாா். இதனையடுத்து, வாழப்பாடி காவல்ஆய்வாளா் உமாசங்கா் தலைமையிலான போலீஸாா் சம்பவ இடத்திற்கு இளைஞா்களை விரட்டியடித்தனா். இது தொடா்பாக வழக்கு பதிவு செய்து விசாரணை நடத்தி வருகின்றனா்.