சேலம்: உள்ளாட்சித் தோ்தலில் வெற்றி பெற்ற வாா்டு உறுப்பினா்கள் மாா்ச் 2-ஆம் தேதி பதவியேற்பதை முன்னிட்டு, மாநகராட்சி மாமன்ற அரங்கம் சீரமைக்கப்பட்டு புதுப்பொலிவுடன் காட்சி அளிக்கிறது.
சேலம் மாநகராட்சி தோ்தலில் திமுக 47 வாா்டுகளிலும், அதிமுக -7, காங்கிரஸ்-2, விசிக-1, சுயேச்சைகள்-3 வாா்டுகளிலும் வெற்றி பெற்றன. இதனிடையே, வெற்றி பெற்ற உறுப்பினா்கள் மாா்ச் 2-ஆம் தேதி பதவியேற்க உள்ளனா்.
அதைத் தொடா்ந்து, மாா்ச் 4-ஆம் தேதி மேயா், துணை மேயரை தோ்ந்தெடுக்க மறைமுக தோ்தல் நடைபெறுகிறது. இதைத் தொடா்ந்து, புதிதாக கட்டி முடிக்கப்பட்ட மாநகராட்சி அலுவலகத்தில் உள்ள மாமன்றக் கூட்டரங்கில் மேயா் இருக்கை, மேஜை, உறுப்பினா்களின் இருக்கைகள், ஒலிபெருக்கி உள்ளிட்டவை சீரமைக்கப்பட்டு தயாா் நிலையில் வைக்கப்பட்டுள்ளன.
இதனிடையே, 60 வாா்டு உறுப்பினா்கள் பதவியேற்பு விழாவை முன்னிட்டு அனைத்து ஏற்பாடுகளும் தயாா் நிலையில் உள்ளதா என மாநகராட்சி ஆணையா் தா.கிறிஸ்துராஜ் ஆய்வு செய்தாா்.