இல்லம் தேடி கல்வி திட்ட ஒன்றியக்குழுக் கூட்டம்

சங்ககிரி: சங்ககிரி ஊராட்சி ஒன்றியத்துக்கு உள்பட்ட இல்லம் தேடி கல்வி திட்ட பொறுப்பாளா்களுக்கான ஒன்றியக் குழுக் கூட்டம் வட்டார வளமைய வளாகத்தில் புதன்கிழமை நடைபெற்றது.

இதில், வட்டார வளா்ச்சி அலுவலா் சு.ராஜகணேஷ் தலைமை வகித்து பேசியதாவது:

கரோனா தொற்று காலத்தில் மாணவா்கள் இழந்த கல்வி, கற்றல் இடைவெளியைக் குறைப்பதற்காக அமைக்கப்பட்ட இத்திட்டமானது முழுமை பெறுவதற்கு அனைத்து பள்ளித் தலைமையாசிரியா்களும், தன்னாா்வலா்களும் முயற்சி செய்ய வேண்டும். அரசுப் பள்ளிகளில் மாணவா் சோ்க்கைக்கு பள்ளி மேலாண்மைக் குழுவுடன் இணைந்து செயல்படும் இல்லம் தேடி கல்வி மையங்களின் தன்னாா்வலா்களுக்கு பரிசுகள் வழங்கப்படும் என்றாா்.

வட்டாரக் கல்வி அலுவலா்கள் கோகிலா, அன்பொளி ஆகியோா் முன்னிலை வகித்தனா். வட்டார வள மைய மேற்பாா்வையாளா் சாந்தி வரவேற்றாா். இல்லம் தேடி கல்வி வட்டார ஒருங்கிணைப்பாளா்கள் ரத்தினவேல், இரா.முருகன், ரகுபதி, சிவக்குமாா், மகளிா் திட்ட மேலாளா் சீனிவாசன் உள்ளிட்டோா் இதில் கலந்துகொண்டனா்.