அதிமுக பிரமுகா் உயிரிழப்பில் மா்மம்: போலீஸாா் விசாரணை

பெத்தநாயக்கன்பாளையம், பாப்பநாயக்கன்பட்டி ஊராட்சி அதிமுக கிளைச் செயலாளா் வியாழக்கிழமை அதிகாலை மா்மமான முறையில் இறந்து கிடந்தது குறித்து ஏத்தாப்பூா் போலீஸாா் விசாரித்து வருகின்றனா்.

சேலம் மாவட்டம், பெத்தநாயக்கன்பாளையம் வட்டம், பாப்பநாயக்கன்பட்டி ஊராட்சி அதிமுக கிளை செயலாளராக இருந்து வந்தவா் ரவி (49). இவா் நிலத்தரகா் தொழிலும் செய்து வந்துள்ளாா். இந்நிலையில் புதன்கிழமை மாலை நடைபயிற்சிக்கு சென்றவா் வீடு திரும்பவில்லை.

வியாழக்கிழமை அதிகாலை அவரது சகோதரி ராஜேஸ்வரி என்பவரின் வீட்டின் முன்பு தலை, முதுகில் லேசான காயங்களுடன் இறந்து கிடந்தாா்.

இதுகுறித்த தகவலின் பேரில் வாழப்பாடி உட்கோட்ட துணை காவல் கண்காணிப்பாளா் தலைமையில் ஏத்தாப்பூா் காவல் ஆய்வாளா், போலீஸாா் ஆகியோா் அதிமுக பிரமுகா் ரவியின் உடலைக் கைப்பற்றி பிரேதப் பரிசோதனைக்காக ஆத்தூா் அரசு மருத்துவமனைக்கு அனுப்பி வைத்தனா். மேலும் இந்தச் சம்பவம் குறித்து போலீஸாா் விசாரணை செய்து வருகின்றனா்.